O ramazonov, S. S. Buriyev meliorativ tuproqshunoslik

I bob. TUPROQ – QISHLOQ XO‘JALIGIDA ASOSIY ISHLAB 
CHIQARISH VOSITASI 
 
1.1. Tuproq haqida tushuncha 
 
Tuproq  litosferaning  ustki  qismining  suv,  havo  va  tirik  mavjudotlar 
ta’sirida  o‘zgarishi  natijasida  hosil  bo‘lgan  va  bir-biri  bilan  uzviy 
bog‘liqlikdagi  genetik  qatlamlardan  iborat  tabiiy  hosiladir.  Tuproq 
yemirilgan  tog‘  jinslaridan  unumdorligi  bilan  farqlanadi.  Qishloq 
xo‘jaligida tuproq asosiy ishlab chiqarish vositasi tarzida uning tarkibi, suv 
va havo tartibini shakllantiradi. 
Tuproq  hosil  bo‘lish  sharoitlari,  omillari  hududlarning  geografik 
joylashishi  va  davriyligiga  bog‘liq  holda  o‘ziga  xos  xususiyatlarga  ega 
tuproq  turlari  shakllanadi.  Ularni  o‘rganish,  tasnifini  tuzish,  holatini 
yaxshilash  va  unumdorligini  shakllantirish  bilan  tuproqshunoslik  fani 
shug‘ullanadi.  
Tuproq  hosil  bo‘lishi  bir  biri  bilan  uzviy  bog‘liq  bo‘lgan  fizik, 
kimyoviy  va  biologik  jarayonlarning  turli  yo‘nalishda  va  jadallikda 
rivojlanishidan iborat. 
O‘rta  Osiyo  va  Janubiy  Qozog‘istonning  aksariyat  ko‘p  qismi  Turon 
tuproq-iqlim  provinsiyasiga  mansub  bo‘lib,  kontinental  subtropik 
mintaqaning  shimoliy  qismida  joylashgan.  Hududning  tekislik  qismi