О. Р. Райимбердиева бухгалтерия ҳисоби, ИҚтисодий таҳлил ва аудит

Сўз боши 
Ресубликамизда янги иқтисодий тизим-бозор иқтисодиётига ўтилмоқда. Турлича мулк 
шаклларининг пайдо бўлиши, давлат мулкининг хусусийлаштирилши, ҳиссадорлик 
жамиятлари, ҳамкорликдаги корхоналар, кичик корхоналарнинг вужудга келиши ўтиш 
жараёнига хос хусусиятлардандир. 
Янги иқтисодий тизимнинг муҳим қисмларидан бири бухгалтерия ҳисобидир. Уни 
тўғри йўлга қўйиш бозор иқтисодиёти шароитида ишлаб чиқариш самарадорлигини 
оширишда муҳим аҳамият касб этади. Бухгалтерия ҳисоби ва иқтисодий таҳлилни билмасдан 
туриб, иқтисодиёт тармоқларида ишлаб чиқариш самарадорлигини ошириш, маҳсулот ишлаб 
чиқарувчилар ўртасида ҳақиқий рақобатни вужудга келтириш, ходимлар маҳнатига ҳақ 
тўлаш ҳамда мукофотларни тўғри ташкил этиш мураккабдир. 
Маърузалар замонавий педагогик технология талабларига мос равишда қайта ишланиб, 
унда мавзуга оид муаммолар, ўқув мақсадлари, назорат саволлари ва мустақил иш 
топшириқлари келтирилган. Лекциялар курсини тайёрлашда «таълимнинг илмийлиги» ёки 
«илм орқали билим эгаллаш» тамойили асосида шу соҳага оид монографиялар, 
журналлардаги илмий мақолалар ҳамда интернетдан олинган материаллардан кенг 
фойдаланилди. Ҳар бир мавзудан кейин шу масалага тегишли илмий ишлар рўйхати 
берилган бўлиб, талабалар ўзларини қизиқтирган саволлар бўйича қўшимча маълумотларни 
олиши мумкин. Амалий машғулотларни ўтказиш тартибларини баён қилишда ушбу 
машғулот ўтказишдан кутилаётган ўқув мақсадлари, керакли жиҳозлар ва материаллар, 
ишни бажарилиш кетма-кетлиги батафсил ёритилди. 
Ўқув қўлланма охирида якуний хулосалар, билимини синаб кўриш учун назорат 
саволлари, тегишли адабиётлар рўйхати ва фанда ечимини кутаётган асосий илмий 
муаммолар мавзулари келтирилган. 
Ушбу қўлланмадан иқтисодчи мутахассислигида таҳсил олаётган талабалар, 
бухгалтерлар тайёрлаш курсларининг тингловчилари ҳам фойдаланиши мумкин. 
Мазкур ўқув қўлланмада айрим камчиликлар, мунозарали қарашлар учраши 
мумкин. 
Шунга кўра қўлланма ҳақидаги фикр-мулоҳазаларини билдирган ҳамкасбларига 
муаллиф ўз миннатдорчилигини билдиради.