O. F. Fayzullayev, O. O. Fayzullayev, L. U. Maxmudov

4.15. 1,5 kg havo 30 ^oC harorat va 304 kPa bosimda qanday hajmni egallaydi? (Javob: 428,6 l).
4.16. 20 g kislorod 27 ^oC harorat va 150 kPa bosimda qanday hajmni egallaydi? (Javob: 10,4 l).
4.17. 25 ^oC haroratda 750 ml hajmli idishda 56 g kislorod bo‘lsa, gazning bosimi qanday bo‘ladi? (Javob: 5781 kPa).
4.18. 4,0 g noma’lum oddiy modda bilan suvning ta’sirlashishidan 30 ^oC harorat va 202,65 kPa bosimda 1243 ml vodorod ajralib chiqqan bo‘lsa, shu moddani aniqlang. (Javob: Ca).
4.19. 39,4 g ikki valentli noma’lum metall tuzini parchalaganda 25 ^oC harorat va 300000 Pa bosimda o‘lchangan 1652 ml karbonat angidrid ajralib chiqqan bo‘lsa, noma’lum metall tuzining formulasini toping. (Javob: BaCO₃).
4.20. Normal sharoitda olingan 448 sm³ gazda qancha molekula bor? (Javob: 12,04^.10²¹).
4.21. 3,01^.10²³ kislorod molekulasining massasini aniqlang. (Javob: 16 g).
4.22. 11,2 l vodorod sulfidda nechta molekula bor?
(Javob: 3,01^.10²³).
4.23. 1,2^.10²⁴ ta xlor molekulasi (n.sh.) qancha hajmni egallaydi? (Javob: 44,8 l).
4.24. 20 ^oC harorat va 202,4 kPa bosimda karbonat angidrid 20 l hajmni egallaydi. Shu gazning n.sh. dagi hajmini toping. (Javob: 37,2 l).
4.25. Teng hajmdagi geliy va kislorod aralashmasining havoga nisbatan zichligini aniqlang. (Javob: 0,62).
4.26. Vodorod va azotdan iborat aralashmada azotning hajmiy ulushi 11,7 %, vodorodning hajmiy ulushi 88,3 % bo‘lsa, gazlarning aralashmadagi massa ulushlarini aniqlang.
(Javob: 65 % azot va 35 % vodorod).