Nurli yo‘limsiz, aziz ustozim

"NURLI YO‘LIMSIZ , AZIZ USTOZIM" mavzusidagi tadbir ssenariysi
Diqqat O’zbekiston Respublikasi davlat madhiyasi
1 boshlovchi
Assalomu-alaykum mehri daryo, qalbi pok muhtaram ustozlaru, aziz mehmonlar!!!
Bugun 1-oktyabr "o‘qituvchi va murabbiylar " kuni munosabati bilan o‘tkaziladigan "NURLI YO‘LIMSIZ AZIZ USTOZIM" deb nomlangan bayram tadbirimizga
XUSH KELIBSIZ
2 boshlovchi:
Aytsam , bahor yashar ekan kuz uchun ,
Yashayapsiz boldek shirin so‘z uchun ,
Navoiy ham otdan tushgan siz uchun ,
Millatimiz qarog‘isiz, ustozlar,
Ma’rifatning chirog‘isiz, ustozlar.
1 boshlovchi:

Har bolaning kulgusidan yayragan,

Hur bulbulsiz, o’zbek bo‘lib sayragan,
Mehr — buloq qalbingizda qaynagan,
Sadoqatning so‘rog’isiz, ustozlar,
Yaxshilikning yonog‘isiz, ustozlar.
2 boshlovchi:
Ustoz! Shu birgina so’z zamirida olam-olam ma'no va hurmat mujassam. Ustozlar sofdil, kamtarin, ma'naviy boy insondir. Ularning poyiga guldastalar sochsak, doimo hurmatlarini ado etib, ardoklasak arziydi.
1 boshlovchi:
Chunki ustozlar butun kuchlarini, aql-idroklarini, bilim va zehnlarini, qalb qo’riyu sehrlarini shogirdlariga baxshida etgan zahmatkashlardir.
2 boshlovchi
Bugungi tadbirimizni ochib berish va qutlug‘ ayyom bilan tabriklash uchun so’zni mamnuniyat bilan TDTU OF direktori Samadov Alisher Usmonovichga beramiz
Samimiy tabriklaringiz uchun sizga tashakkur bildirib qolamiz.
1 boshlovchi:
Bo‘z kiyib ham bo‘zlam agan insonsiz,
Naqshbandiy bog'lariga bog'bonsiz,
Amir Temur ta’zim qilgan sarbonsiz,
Ziyo mulkin bayrog‘isiz, ustozlar,
Ko'ngillarning ardog'isiz, ustozlar.
2 boshlovchi:
Keling, maktabga qadam qo’yganiga hali ko’p bo’lmasada ustozlaridan bilim sirlarini o’rganayotgan jajji do’stlarimizni davramizga taklif etamiz.
Ajoyib tabriklari uchun jajji do‘stimizdan minnatdozmiz.
1 boshlovchi
Dunyoda kasblar ko’p, har birining hayotda o’z o’rni, o’z ahamiyati bor. Lekin ular orasida shunday ulug’ kasb borki, boshqa barcha kasblar uning negizida shakllanadi va taraqqiy etadi.
2 boshlovchi
To’g’ri aytasiz, o’qituvchilikni ko’p qirrali, sermazmun, murakkab faoliyati zamirida yosh avlodni barkamol shaxs sifatida tarbiyalash, ularni ilm- fan sirlaridan boxabar etish kabi muhim vazifalar yotadi.
1 boshlovchi
Tadbirimizga ko’tarinki ruh bag’ishlash uchun navbatni ajoyib bir qo’shiqqa beramiz
2 boshlovchi
ustoz misli yonib turgan shamga qiyos. O‘zi yonib, atrofga nuru ziyo sochadi. Boshqalar ana shu nurdan bahramand bo‘ladi. Shu sabab, har bir inson yoshidan, mavqeidan, darajasidan qat'i nazar, saboq bergan ustoz-murabbiyi oldida mudom ta'zimda.
1 boshlovchi
Xaq yo‘lida kim senga bir harf o‘qitdi yuz ranj ila,
Aylamoq oson emas xaqqin ado ming ganj ila.
2 boshlovchi
Navoiyning ushbu misralariga qiyosan ustozlar hayoti va faoliyatiga oid so‘z va lavhalarni birgalikda kuzatsak.
1 boshlovchi
Ustozlar el ichra topgaydir qadr
Doimo shogirdlar ehtiromida
Bayram tabrigini eting siz qabul
Go`zal qizlarimiz sho`x xiromida
2 boshlovchi
Keling go’zal qizlarimiz ijrosidagi ajoyib raqsga navbatni beramiz.

Milliy raqslari uchun raqqosa qizlarimizga minnatdorchilik bildiramiz.

1 boshlovchi:
Dedilar: dunyoda asli kim aziz
Aytdilar: ustozdir, ustoz begumon.
Tag’in aytdilarki: aziz shubhasiz
Ustoz qadriga yetolgan inson.
2. boshlovchi
Tadbirga ajoyib xushovoz sohibi,xalqaro doiradagi tanlov g‘olibi Abdumutalibov Ozodbek tashrif buyurgan. Ularni milliy maqom yo‘nalishidagi qo‘shiqlarini birgalikda tinglasak.

Milliy maqom sanati bilan barchaga ko‘tarinki kayfiyat ulashgan do‘stimizdan minnatdormiz.

1. boshlovchi
Afsonalarga ko‘ra, mashhur sarkarda Iskandar Rumiydan (Aleksandr Makedonskiy) “Nechun Arstuni (Aristotel) otangizdan ortiq izzat qilasiz?”, deb so‘radilar. Iskandar Rumiy javob berdi: “Otam go‘yoki meni osmondan yerga tushirdi. Ammo ustozim Arastu meni yerdan osmonga ko‘tardi. Ya'ni, otam meni dunyoga kelmog‘imga sabab bo‘ldi. Ustozim ilm va odob o‘rgatib, martaba va izzatimning ortmog‘iga sabab bo‘ldi”.
1 boshlovchi
Xuddi shunday otamizdek jonkuyar,onamizdek fidoiy bo‘lgan ustozlarimizni taqdirlash uchun sahnaga filialimiz direktori Samadov Alisher Usmonovichniyana bir bor taklif etamiz.
1 boshlovchi
Taqdirlashga qo‘shiq yarashar , saxnaga ajoyib va betakror ovoz sohibi Tursunali Ermatovni taklif etamiz.

2 boshlovchi

Shu bilan bugungi tadbirimizga yakun yasaymiz
Keyingi tadbirlarda ko‘rishguncha xayr salomat bo‘ling.
TAMOM