Nuriddin Uktamov Uchqo’rg’on tumani 37-sonli umumiy o’rta ta’lim maktabi

Arabboy: Keyinchalik Buyuk Britaniya Hindistonni bosib olganidan keyin Britan Lordi Ko’hinur olmosini qirolicha VIKTORIYAGA hadya qildi.

Shahnoza: Hozir Boburiylar olmosi Angliya qirolichalari tojining tepasini bezab turadi.

Arabboy: Bobur didi va zavqi baland shoir edi. U go‘zal g‘azallar yozdi. Ruboiyning tengsiz namunalarini yaratdi. Bobur ikki she’riy to‘plam — devon tuzgan.

Shahnoza: Shulardan bittasi yetib kelgan. Ikkinchisining taqdiri noma’lum. Hozirda bizning qo‘limizda uning to‘rt yuzdan ortiq she’ri bor. Shundan ikki yuzdan ortig‘i ruboiydir. E’tiboringizga uning ruboiylaridan havola etamiz.
Mahliyo: Tole’ yo‘qi jonimg‘a balolig‘ bo‘ldi,

Har ishniki ayladim, xatolig‘ bo‘ldi.

O‘z yerni qo‘yib, Hind sori yuzlandim,

Yo Rab, netayin, ne yuz qarolig‘ bo‘ldi.

Yodgor: Hajringda bu tun ko‘ngulda qayg‘u erdi,

Vaslingg‘a yetishmadim, jihat bu erdi:

Ohim tutuni birla ko‘zumning yoshidin

Yo‘l balchiq edi, kecha qorong‘u erdi.

Umidjon: Har kimki, vafo qilsa, vafo topqusidur,

Har kimki, jafo qilsa, jafo topqusidur.

Yaxshi kishi ko‘rmagay yomonlik hargiz,

Har kimki, yomon bo‘lsa, jazo topqusidur.

Xumoyun: Ey bodi sabo, ayla Xurosong‘a guzar,

Mendin degil ul yori parishong‘a xabar.

Necha safar o‘z ko‘nglung uchun qilg‘aysen,

Emdi bizing uchun ayla bu yong‘a safar.

Shohsanam: Ey, oy yuzung oldida quyosh sharmanda,

Shirin so‘z-u yaxshi xulqungga men banda,

Hijronda necha noma bila so‘zlashaling,

Yo sen beri kel, yo men borayin anda

Boburjon: Jonimda mening hayoti jonim sensen,

Jismimda mening ruh-u ravonim sensen.

Boburni seningdek o‘zga yo‘q yori azizi,

Alqissaki, umri jovidonim sensen.

Roziya: Kim bor anga ilm tolibi — ilm kerak.

O‘rgangani ilm tolibi ilm kerak!

Men tolibi ilm-u tolibi ilme yo‘q,

Men bormen ilm tolibi — ilm kerak.

Avazxon:Sen gulsan-u men haqir bulbuldirman,

Sen shu’lasan, ul shu’laga men kuldirman.

Nisbat yo’qdir deb intijob aylamakim,

Shohman elga, vale senga quldurman.

Farruhbek:Boburni burun mahrami asror etting,

Vaslingga berib yo‘l, o‘zungga yor etting.

Oxir bording, dog‘i oni zor etting,

Hijron alami birla giriftor etting.

Nursulton: Jismimda isitma kunda mahkam bo’ladir,

Ko’zdin uchadir uyqu chu oqshom bo’ladir.

Har ikkalasi g’amim birla sabrimdek,

Borg’on sari u ortadir. Ul kam bo’ladir

Sevinch: Ko‘rgan-kechirgan voqealari haqida «Boburnoma» asarini yozib qoldirdi. Uning qalbi musiqaga oshno edi. U sozni go‘zal chalgan, ajoyib kuylar yaratgan, musiqa haqida ilmiy kitob yozgan shohlardan edi.
Xumoyun: U 1530-yilning 26-dekabrida Agrada vafot etdi. Keyinroq uning xoki, vasiyatiga muvofiq, Kobulga ko‘chiriladi.