|
2.3.Dasturlash bo`yicha olimpiadani o`tkazish metodikasi.
Quyidagi metodlar orqali Dasturlash bo`yicha olimpiadani o`tkazishimiz mumkin bo`ladi.
Intellektual ring. Mashg‘ulotlarning bu turida o‘quvchilarning tuzib kelgan savollari yig‘ib olinadi va o‘qituvchi tomonidan tekshirilib, mazmunli savollar o‘yin uchun ajratib olinadi. O‘qituvchining mashg‘ulot uchun tayyorlab kelgan turli mavzudagi savollari jamlanib, har bir o‘quvchiga navbat bilan savollar beriladi. Savollarga 5 sekund ichida javob berish kerak. Oquvchilarga birinchi bosqichda uchtadan savol berilib, baholanadi va yuqori bal to‘plagan o‘quvchilar juftliklarga birlashtiriladi, juftlik guruhlarga ham turli murakkablikdagi savollar berilib, olingan ballar bo‘yich gyruhlardan biri o‘yinni to‘xtatadi. O‘yin davomida eng bilimdon o‘quvchi olgan ballari asosida aniqlanib baholanadi. Mashg‘ulot so‘ngida keyingi haftada bo‘ladigan mashg‘ulot sharti tushuntirilib topshiriq beriladi.
“Zakovat” o‘yini. Mashg‘ulotning bu turida o‘qituvchi tomonidan tuzilgan mantiqiy savollar beriladi. Bunda o‘quvchilar ikki guruhga bo‘linib,savollarga navbat bilan javob berishadi va bu o‘yinda eng kuchli guruh va eng faol o‘quvchilar baholanadi. Savollar mazmuinida uning javobi yashiringan bo‘lishi mumkin, savollar turli fan yoki mavzularga mos bo‘lgan tarixiy ma`lumotlardan iborat bo‘lishi mumkin. Muhimi o‘quvchi o‘tilayotgan mashg‘ulotlardan ham ma`naviy, ham tarbiyaviy, ham ilmiy ozuqa olishidir.
“O‘yla, izla, top” Bu mashg‘ulotni ham bir necha bosqichda tashkil etish mumkin. Masalan: Biror bir kompyuter qurilmasining rasmi ko‘rsatiladi va bu rasmni tavsiflash so‘raladi. Ikkinchi bosqichda esa biror bir kompyuter qurilmasi yoki axborot tashish vositasining ta`rifi keltiriladi, oquvchilar esa shu tariff asosida uning rasmini chizishlari kerak bo‘ladi. Keyingi bosqichda harbir guruh o‘zi tayyorlab kelgan crossword yoki skanwordni o‘zaro almashtirishadi va ularning bajarilishini o‘qituvchi tekshirib,eng kuchli guruh va eng faol o‘quvchilar baholanadi.
“Klaviatura” Mashg‘ulotning bu turida o‘quvchilar “Klaviatura trenajori”da berilgan o‘yinlarda o‘ynab, klavishlar majmui bilan ishlash malakalarini oshirib borishadi. O‘yin davomida o‘quvchilarning natijalari kompyuterda ko‘rinib turadi.
“Inter-bahs” Mashg‘ulotda uyga berilgan topshiriqqa ko‘ra o‘quvchilar internet haqida ma`lumot va internetdan olingan turli mavzudagi ma`lumotlarni axborot vositalaridan to‘plab kelishadi. Bu ma`lumotlar yuzasidan bahs-munozara darsi tashkil etiladi. Bu mashg‘ulotning asosiy maqsadi, o‘quvchilarni axborot vositalariga bo‘lgan qiziqishlarini o‘rganish, olingan axborotlarni tahlil qila olish, erkin fikrlash, o‘z fikrini himoyalay olishko‘nikmalarini shakllantirish va internet haqida ko‘proq ma`lumotga ega bo‘lishlari uning ahmiyatini tushunishlariga erishib borishdir.
“Parol-kod.” Bu o‘yinning asosiy mazmuni o‘quvchilarda axborotlarni raqamlar orqali ifodalash malakasini rivojlantirish, kodlashning turlari va uning tarixi haqida ma`lumotga ega bo‘lishlari kodlashning ahamiyati haqida yetarli darajada bilim, malakalarga ega bo‘lishlariga erishishdan iborat. Bu o‘yin bir necha shartdan iborat bo‘ladi.1-shart: O‘quvchilar bir nechta maqollar, ibratli so‘zlarni “alifboni aralash tartiblash” usulidan foydalanib kodlashadi. Kodlangan so‘zlarni o‘zaro almashtirib har bir kodlangan maqolni topishdi. Bunda o‘quvchilarning ishidagi tezkorlik hisobga olinib, eng kop maqol topgan o‘quvchi yoki o‘quvchilar guruhi aniqlanadi. 2-shart: Buyuk allomalarimizning fikrlari yozilgan tarqatmalar tarqatiladi va bir daqiqa ichida “Aralashgan alifbo” usulida kodlash so‘raladi. 3-shart: Axborotlarni raqamlar orqali ifodalash mavzusiga oid savollarga javob berishadi. Toplangan ballar yuzasidan o‘quvchilar baholanadi.
“Operativ xotira” Bu mashg‘ulotda turli shartlar vositasida o‘quvchilar xotirasi sinaladi va mustahkamlash mashqlari olib boriladi. 1-shart : Informatikaga oid atamalar o‘quvchilar tomonidan birma-bir aytiladi, bir o‘quvchi aytgan atamaga boshqa o‘quvchi yana bir atama qo‘shib davom ettiradi. Keyingi o‘quvchi bu atamalarni tartibini buzmay boshqa atama qo‘shib aytishi, agar adashsa, o‘yindan chiqishi kerak bo‘ladi. 2-shart: turli shakllar ketma-ketligi ko‘rsatiladi, keyin ularning tartibi buzilgan holda qaytib ko‘rsatiladi, o‘quvchi shakllarni to‘g‘ri tartibda joylashtirishlari kerak bo‘ladi. O‘quvchilarning ishlari natijasiga ko‘ra ular baholanadi.
“Info-matematik” Bu mashg‘ulotlarning asosiy maqsadi o‘quvchilarda sanoq sistemalari ustida amallar bajarish ko‘nikmalarini rivojlantirishdir. Sanoq sistemalari ustida arifmetik amallar bajarish, sonlarni bir sanoq sistemasidan boshqasiga o‘tkazish kabi amallarni bajarish malakalarini osirishlari talab qilinadi.
“Kamolot+” Bu mashg‘ulot bahs-munozara shaklida tashkil etiladi. O‘quvchilar oldiga “Siz kelajak kompyuterini qanday tasavvur qilasiz?”, “Kelajakda yaratiladigan robotlarni qanday tasavvur qilasiz?” suratini chizing kabi topshiriqlar berilib, o‘quvchilarning ishlari baholanadi.
“Bilimdon robot”Bu mashg‘ulotda robotlar cho‘ntagiga “5”, “4”, “3” ballik savollar qo‘yiladi. O‘quvchilar guruhlarga bo‘linadi, har bir guruhdagi o‘quvchilar o‘z imkoniyatlari darajasidagi savollarni tanlab savollarga javob yozishdi. Olingan ballar to‘planib, o‘quvchilar baholanadi.
“Mantiqiy fikr”Mashg‘ulotning bu turida informatikaning mantiqiy amallar bo‘limiga doir masalalar bajariladi. Mantiqiy sxemalarga mos doir mashqlar bajarilishi informatika fanini ham fizika, ham mantiq, ham matematika fani bilan bog‘liq holda o‘rganish imkoniyatini beradi. Bu mashg‘ulot o‘quvchini ma`lum ma`noda sermulohaza, chuqur fikrlab to‘g‘ri xulosalar chiqarish xususiyatlarini rivojlantiradi.
Mana shu yuqorida keltirilgan metodlar asosida olimpiadani tashkil etishimiz mumkin bo`ladi.
Do'stlaringiz bilan baham: | 
