Noyob va radioaktiv metall rudalarini boyitish va qayta ishlash

MA’RUZA №18

Mavzu: Flotatsiya jarayonlari uchun qo‘llaniladigan flotoreagentlar
Reja:

1. Flotoreagentlarni tasniflanishi va ularning vazifalari

2. Reagentlarni havo pufakchalarga so‘rilishi

3. Reagentlarning turlari va qo‘llanilishi
Tayanch iboralar: yig‘uvchilar, moslovchilar, namlanish, namlanmaslik, reagent, muxit rN i, zichlik, diafragma, porshen, yiriklik, texnologik sxema, boyitish maqsulotlari, komponentning miqdor, boyitish mahsulotlari, ajralish, chiqindining chiqishi, boyitilish darajasi, qisqarish darajasi
Flotoreagentlarni tasniflanishi va ularning vazifalari

Flotoreagentlar – flotatsiya usuli bilan mineral zarrachalarni saralashda yuqori tanlovchanlikni, barqarorlikni, samaradorlikni va flotatsiya jarayonini tezlashtirishni ta’minlovchi moddalardir.

Flotoreagentlarning tarkibi xilma-xil bo‘lib, ularning vazifasi ham turlichadir. Flotoreagentlar vazifalariga qarab uch toifaga bo‘linadi:

1. Yig‘uvchilar (sobirateli, kollektorы) – ma’lum mineral zarrachalar yuzalari bilan tanlab reaksiyaga kirishib (ta’sir etib), ularni suv yuqmasligini oshiruvchi organiq moddalardir. Suv yuqmasligi (gidrofobnosti) oshgan mineral zarracha havo pufakchaga yopishib, dastgohning yuqori qismiga ko‘tarilib chiqadi va ko‘pik holda to‘planadi.