Noorganik moddalar ishlab chiqarish texnologiyalari. Sulfat kislotasi ishlab chiqarish texnologiyasi

Qaynovchi qavatli pechlarida kuydiriladigan qattiq zarrachalar gaz bilan samarali yuviladi, bunda ikki fazali sistemaning girdobsimon aylanish darajasi juda yuqori bo'lib, diffuzion tormozlanish esa ancha kam bo'ladi. Issiqlik va massa uzatish (o'tkazish) tezligi yuqori, harorat rejimi izotermik bo'ladi. Bu holat esa reaktorda boradigan jarayonlarni boshqarishni osonlashtiradi. Yonish issiqligidan foydalanib, bug' ishlab chiqarish imkoniyatini beradi. Shutting uchun ham qaynovchi qavat maydonida issiq almashtirgichlar o'rnatiladi va u issiq almashtirgichlar gaz muhitidagiga nisbatan issiq uzatish bilan bir necha marta ko'p ta'minlaydi.
Qaynovchi qavatli pechlarning siklon apparati ham bo'lgan qurama tiplarining konstruksiyalari ishlab chiqilgan. Unda gaz bilanuchib chiqqan zarrachalar issiq siklonda ushlab qolinadi va yana qaynovchi qavatga qaytariladi. Bunday pechlarning kamchiligi, pechdan chiqqan gazlar chang zarrachalari bilan juda yuqori darajada to 200 g/m³ gacha ifloslanishidir
Barabanli aylanuvchi pechlar. Po'latdan yasalgan ichi o'tga chidamli g'isht bilan qoplangan baraban (mashina apparatlarning uzun silindrsimon qismi) g'ildirakchali tayanchga 3- 4° burchakda qiya qilib gorizontal o'rnatiladi. Baraban elektromotor uzatmasiga va pechga o'rnatilgan tishli g'ildirak (shesterna) yordamida bir soniyada 0,5- 2 martagacha tezlik bilan aylanadi.

2.1- rasm Qaynovchi qavatda kuydirish pechi (kolchedan kuydirish pechi).
1- kuydirish bo'lmasi; 2- bunker; 3- panjara; 4- kolchedan kiritish joyi;
5- kuyindi gazlari chiqadigan joy; 6- kuyindi gazlari chiqadigan joy;
7- sovutkich (bug' qozon bo'lmasi).


Tunnel (kanalli) pech. Uzun (200 m. gacha), chuqur kanal bo'lib, ichki devorlari o'tga chidamli g'isht bilan qoplangan, ichida relslar o'matilgan, unda bir-biriga yaqin holda o'rnatilgan ichida kuydiriladigan material ortilgan vagonchalar harakat qiladi. Vagonchalar ham o'tga chidamli g'isht bilan qoplangan va tashqi yon tomonlari temir qalqon bilan o'ralgan. Vagonchalar harakat qilganda yon qalqon qumga botib (100—150 mm gacha botadi) yuradi, natijada pech bo'shlig'ini vagonchalar ostidagi kanal va rels-larni ajratib turadi. Shuning uchun ham issiq gaz, vagon ostiga, kanalga kira olmaydi. Bu narsa vagonchalarning ostki qismini va relslarni harorat ta'siridan himoya qiladi.
Pech kanali qizdirish, kuydirish va sovitish zonalariga bo'linadi. Kuydirish zonasida forsunka (yoqilg'ini yoqadigan asbob) yordamida gazsimon, qattiq yoki suyuq yoqilg'ilar yoqiladi. Tunnel pechini boshqarish, uning ishini avtomatlashtirish oson. Pech uzluksiz ishlaydi, mahsuldorligi yuqori (200 t/sutka va undan ortiq).