Kumush birikmalari. Kumush oksidining olinishi. Kumush nitrat eritmasiga o'yuvchi natriy eritmasidan qo'shing. Cho'kma rangi va tarkibi qanday? Reaksiya tenglamasini yozing.
Kumushning kam eruvchan tuzlarini olish. a. Kumush sulfidning olinishi. Shisha plastinkaga bir tomchi kumush nitrat eritmasidan tomizing va unga bir tomchi vodorod sulfidli suv qo'shing. Hosil bo'lgan kumush sulfid cho'kmasining rangini belgilang. Reaksiyaning molekulyar va ionli tenglamasini yozing.
b. Kumush galogenidlarining olinishi. Uchta probirka olib, ularning biriga xlorid, ikkinchisiga kaliy bromid va uchinchisiga kaliy yodid eritmalaridan quying. Ularning har biriga kumush nitrat eritmasidan 2—3 tomchi tomizing. Uchala holda sodir bo'lgan jarayonlarga izoh bering. Tegishli reaksiyalarning molekulyar va ionli tenglamalarini yozing. Kumush galogenidlarining rangini belgliang.
Do'stlaringiz bilan baham: |