Non qanday tayyorlanadi? Masalliq

NON QANDAY TAYYORLANADI?



Masalliq:
1 kg oq un, 1 stakan iliq sut, 40 gr xamirturush, 150 gr eritilgan qo'y yog'i yoki sariyog', 2 choy qoshig'ida tuz, yuziga sepish uchun   1 choy qoshigida sedana kerak.

Iliq sutda xamirturush va tuzni eritib, dog'lab sovutilgan qo'y yog'i yoki sariyog' qo'shib yaxshilab aralashtirasiz. So'ngra oz — ozdan un solib qattiq xamir qorasiz, uzoq muddat mushtlab pishitganingizdan so'ng o'rab issiqroq joyda oshguncha qoldirasiz. Ko'pincha xamirdan 500 grammli bo'laklar uzib olib, zuvalalar yasaladi. Har bir zuvalani taxta ustiga qo'yib bir yonidan chap qo'l bilan o'zingizga qaratib burab aylantirib, o'ng qo'lda qirg'og'ini pichoq bilan tilib kungura solasiz, tepasini ham kesishma chiziqli qilib tilib chiqasiz. Ana shunday tayorlangan zuvalalarning tepasidan musht bilan ezib, so'ng barmoqlarni chaqqon ishlatib lagan kattaligida non yasaysiz. Nonning chetlari 3 — 4 sm qalinlikda, o'rtasi esa 1 sm keladigan bo'lsin. O'rtasiga juda zich qilib chikich urasiz va yuziga sedana sepasiz. Hamma zuvalalardan patir yasab bo'lgach, yuziga dasturxon yopib 15 — 20 minut tindirib qo'yasiz. Shu muddat ichida tandirga o't qo'yib qizigach, cho'g'ni o'rtaga to'plab, ustiga kul tortasiz, tandir devorlariga va patirning teskari tomoniga xiyol namakob surtib, chaqqonlik bilan yopishtirasiz. Patir tandirda obi nonga qaraganda uzoqroq ushlanadi.

Yopilgan nonning sirti bir oz qotganda bug' hosil bo'lishi uchun suv sevalaysiz va cho'g'ning yuzini ochasiz, ba'zan tandirning qopqog'ini bir oz muddat berkitib dimlanadi.

Tayyorlash:

1. Idishga 2 kosa tuzli suv solinadi va droja, salat yog’i, un solib yumshoq qo’lga yopishmaydigan hamir qoriladi. Hamirni usti yopilib 1 soat hamir oshishi uchun iliq joyga qo’yiladi.
2. Oshgan hamirni 1-2 mushtlab yana yarim soat tindiriladi. Tingan hamir yog’langan non uchun qolipga solinadi YOKI yog’langan listga doira shaklda ustiga tuxum surtib, sedana sepib 15-20 daqiqa yana tindiriladi.
3. Nonlar qizigan duxovkada (350F/175C ) 35-40 daqiqa pishiriladi.
Non tayyor. Yoqimli ishtaxa!