Номидаги Ўзбекистон миллий университети “социология” фани бўйича ЎҚув-услубий мажмуа тошкент-2019 «ТасдиҚлайман»

Ўқув фанининг мақсади ва вазифалари
Фанни ўқитишдан мақсад – талабаларда социология фани мазмуни ва моҳияти, cоциология мутахассислигининг жамиятдаги ўрни, хусусиятлари ва келажаги тўғрисида тасаввурларни пайдо қилиш, ижтимоий ҳаёт муаммолари ечимига мос келадиган таклиф ва тавсиялар механизмини ишлаб чиқишда мазкур фаннинг роли ҳақида билим, кўникма ва малакаларини шакллантириш.
Фаннинг вазифалари – талабаларга жамият тараққиётидаги ижтимоий муаммоларни социологик нуқтаи назардан тушунтириш ҳамда фаннинг долзарб масалаларини ечишнинг услуб ва услубиётларини, социологик таҳлил ва тавсияномалар яратишни ўргатиш.

Фан бўйича талабаларнинг билим, малака ва кўникмага қўйиладиган талаблар

«Социология» ўқув фанини ўзлаштириш жараёнида амалга ошириладиган масалалар доирасида бакалавр:
– жамиятни яхлит ижтимоий тизимлиги, шахс ва жамият муносабатлари, ижтимоий ҳодисалар ва муаммоларга социологик ёндашиш, ижтимоий тараққиётнинг асосий омиллари, ижтимоий ҳаёт фаолиятини мувофиқлаштирадиган социал институтлар фаолиятини таҳлил қилишни билиши керак.
– талаба социология фанини мустақил ижтимоий фан сифатида шаклланишининг тарихий-сиёсий, иқтисодий ва ижтимоий-фалсафий асосларини; социология фани объекти ва предмети, унинг структураси ва фанлар тизимидаги ўрнини; Шарқ ва Ғарб мутафаккирларининг социологик таълимотлари мазмунини; ижтимоий тараққиёт ва унинг асосий шаклларини;
ижтимоий ҳаётда миллий ғоя ва мафкуранинг социологик аҳамиятини; шахс ижтимоийлашуви омилларини; жамиятнинг социал структураси ва унинг ўзгариб бориш хусусиятларини; ижтимоий-сиёсий жараёнлар маълум бир қонуниятлар асосида кечишини; жамиятда содир бўлаётган ижтимоий-сиёсий жараёнларнинг ўзаро боғлиқликда эканлигини яхлит идрок этишни; жамият ривожининг асосий омилларини таснифлай олиш кўникмаларига эга бўлиши керак.
– талаба замонавий жамиятда рўй бераётган ижтимоий-сиёсий ҳодисаларни тўғри тавсифлай олиши; турли ижтимоий-маданий хусусиятда кечаётган ҳодисаларни холис қиёсий таққослай олиш; замонавий жамиятдаги мавжуд ижтимоий муаммолардан устуворларини аниқлаш ва уларни объектив таҳлил қила олиши; муайян ҳодиса ва воқеаларга кишиларнинг шахсий муносабатларини ўрганишга қаратилган тадқиқотларда иштирок этиши; ижтимоий-сиёсий ва маънавий соҳаларда ўтказилган амалий социологик тадқиқотлар натижаларидан фойдалана олиш малакаларига эга бўлиши керак.