Nom qo‘yish san’ati

Antroponimlarning tarixiy-etimologik qatlamlari - antroponimiya tizimidagi etimologik jihatdan o‘z til yoki o‘zlashgan nomlardan iborat va tarixiy hamda lisoniy jihatdan uyushgan guruhlari.

Antroponimiyaning turkiy qatlami – antroponimik tizimdagi etimologik jihatdan turkiy tilga mansub bo‘lgan nomlar guruhi.

Antroponimlashuv // antroponimizatsiya – turdosh so‘z (apellyativ leksika)ning yoki boshqa tip atoqli otning kishi atoqli oti vazifasiga o‘tishi. Masalan: Qo‘qon (shahar) – Qo‘qonboy (ism), Toshkent (shahar) – Toshkentboy (ism) kabi.