Nókis filialí «Kompyuter injiniring»

JList komponenti  

Swingdegi dizimler menen islesiwshi tiykarǵı komponentlerden biri JList bolıp 

tabıladı. Bul komponent bir yamasa birneshe punktlerdi belgilew imkaniyatın 

beredi. JList komponenti 2 model tiykarında jaratıladı. Birinshisi – ListModel 

bolıp tabıladı. Bul interfeys dizimdegi maǵlıwmatlarǵa ruxsat beriw yamasa 

bermewdi belgilep beredi. Ekinshi model ListSelectionModel interfeysi bolıp, 

qaysı punkt belgilengenligin anıqlaydı. JList klası konstruktorları tómendegi 

kestede keltirilgen. 

JList óz-aldına isletiliwine qaramastan, ádette JScrollPane konteyneri ishine 

jaylastırıladı. Bul jaǵdayda dizim qashan uzın bolǵan avtomat júrgiziwshiler payda 

boladı. JList komponenti ListSelectionEvent waqıyasın qayta isleydi. Bul waqıya 

qashan paydalanıwshı punktlerdi saylaǵan, ózgertken waqıtta júz beredi hám onı 

ListSelectionListener interfeysi realizaciya qıladı. Bul interfeyste tek ǵana bir 

valueChanged() metodı bar.  

 

 

void valueChanged(ListSelectionEvent)  

Ádette JList paydalanıwshıǵa birneshe punktlerdi saylaw imkaniyatın beredi. Biraq 

bunı setSelectionMode() metodın shaqırıp ózgertiw múmkin.  

 

 

void setSelectionMode(int mode)  

Bunda mode parametri saylaw rejimin anıqlap beredi hám tómendegilerden 

birewine teń boladı.  

▪ SINGLE_SELECTION  

▪ SINGLE_INTERVAL_SELECTION  

▪ MULTIPLE_INTERVAL_SELECTION 

Bunda dáslep JList MULTIPLE_INTERVAL_SELECTION mánisine teń boladı. 

Bul rejimde paydalanıwshı birneshe punktlerdi saylay aladı. 

SINGLE_INTERVAL_SELECTION rejiminde bir intervaldı, 

SINGLE_SELECTION rejiminde tek ǵana bir punktti saylaw imkaniyatı boladı. 

getSelectedIndex() metodı birinshi belgilengen punkt indeksin qaytaradı. 

SINGLE_SELECTION rejiminde bul punkt tek ǵana bir dana boladı.  

 

 

int getSelectedIndex()  

Indekslerdi esaplaw 0 den baslanadı. Solay etip, eger birinshi punkt belgilense, 

joqarıdaǵı metod 0 mánisin qaytaradı. Al heshbir punkt belgilenbese -1 mánisin 

qaytaradı. 

Bul komponentti tolıq túsiniw ushın ápiwayı mısal qarayıq. Programma 

programmalastırıw tilleri dizimin kórsetedi. Qashan paydalanıwshı Saylaw 

túymesin basqan waqıtta, sol saylanǵan tildi kórsetedi.