Nizomiy nomidagi Toshkent Davlat Pedagogika Universitetining Fizika-matematika fakulteti Matematika va informatika yo’nalishi

Nizomiy nomidagi Toshkent Davlat Pedagogika Universitetining
Fizika-matematika fakulteti Matematika va informatika yo’nalishi
101-guruh talabasi Muslimbek Eshmurodovning
Informatika va axborot texnologiyalari
fanidan 9-sinf kitobi
TAHLILI
9-sinf Informatika darsligi 2020-yilda qayta tahrirlandi va qo’shimcha ma’lumotlar kiritildi. Darslik IV bobdan iborat.
Darslikning I bobi “Kompyuterning mantiqiy ishlash prinsipi deb nomlanadi. Ushbu bobda mantiqiy amallar, mantiqiy ifodalar, mantiqiy sxemalar va rostlik jadvali haqida ma’lumot olishimiz mumkin.
II bob esa “Kompyuterda masalalarni loyihalashtirish va modellashtirish” deb nomlangan. Bu bobda Masalalarni kompyuterda yechish bosqichlari va model va uning turlari mavzulari yoritilgan.
III bob “Algoritmlash asoslari” deb nomlangan. Bu bobda algoritm tushunchasi va uning xossalari, turlari va algoritmlash asoslari haqida to’liq ma’lumotga ega bo’lish mumkin.
IV bob “Dasturlash asoslari” deb nomlanadi. Bu bobda dastur, dasturlash haqida, dasturlash tillari haqida bilimlarga ega bo’lishimiz mumkin. Shuningdek, bu bob Python dasturlash tiliga bag’ishlangan bo’lib, bu dasturni o’rnatish, unda ishlash, arifmetik amallarni bajarish, satrlar bilan ishlash, mantiqiy masalalarni dasturlashni o’rganish mumkin. Bu bobda Python dasturlash tili haqida to’liq ma’lumot, har bir mavzuga oid amaliy mashg’ulotlar shuningdek kichik loyihalar, if, else, elif, while, for operatorlari haqida misollar bilan tushuntirishlar bilan berilgan.
Darslikda har bir bobda amaliy mashg’ulotlar berilgan, shu bilan bir qatorda nazorat ishi savollari ham berib o’tilgan. Har bir mavzu so’ngida mavzuni mutahkamlash uchun bir nechta savollar hamda topshiriqlar va mavzu bo’yicha misollar ham berib o’tilgan.