Nizomiy nomidagi toshkent davlat pedagogika universiteti zamonaviy uzluksiz ta

 ЗАМОНАВИЙ УЗЛУКСИЗ ТАЪЛИМ СИФАТИНИ ОШИРИШ: ИННОВАЦИЯ ВА ИСТИҚБОЛЛАР
 
426 
ХАЛҚАРО МИҚЁСИДАГИ ИЛМИЙ-АМАЛИЙ КОНФЕРЕНЦИЯ МАТЕРИАЛЛАРИ 
Таълим тизими ташкилотларининг масъул рахбарлари учун ўз лавозим вазифаларига 
киришишларида тантанали инауграция (қасамёд) маросимини жорий этиш лозим. 
Коррупциясиз таълим бўлган жойда миллий таълим тизимимиз ривожланади. Таълим барча 
соҳа ва касбларининг ривожланишига пойдевор вазифасини ўтайди. Агарда пойдеворимиз 
қанчалик мустаҳкам ва кучли бўлса, бизнинг иқтисодимиз ва ижтимоий ҳаётимиз ҳам 
фаровон бўлиб шаклланиб бораверади.
Бундан ташқари бизнинг олий таълим тизимимизнинг магистратура босқичига ўқишга 
қабул қилиш жараёнини соддалаштириш лозим. Жумладан олий таълимни бакалавр 
даражасини қўлга киритган мутахассис ўзининг бакалавр даражасида эгаллаган билим 
натижасига қараб, олий таълимнинг кейинги босқичида ўқишни давом эттиришига руҳсат 
бериш лозим. Яъни бакалавр мутахассисининг якуний ўзлаштириш кўрсаткичи 86% дан 
100% оралиғида натижага эришган бўлса, бу мутахассисга агарда магистратурада ўқиш 
истаги мавжуд бўлса, унга давлат гранти асосида ўқишини давом эттиришига имтиёз яратиб 
бериш лозим. 
Агарда бакалавр мутахассис ўзининг ўзлаштириш кўрсаткичи 71% дан 86% гача 
билим даражасига эга бўлса, у мутахассис олий таълимнинг магистратура босқичида ўқиш 
истагида бўлса, тўлов-шартнома асосида ўқишини давом эттириши мумкинлиги бўйича 
имкониятни яратиб бериш лозим. 
Магистратура босқичида ўқишини мувафаққиятли тамомлаган мутахассиснинг 
ўзлаштириш кўрсаткичи 86% дан 100% гача оралиқда бўлса, агарда у мутахассис ўзининг 
илмий ишларини давом эттириш истагини билдирса, унга олий ўқув юртидан кейинги 
таълим яъни докторантурада ўзининг фаолиятини давом эттиришига имконият яратиб бериш 
лозим. 
Юқорида келтириб ўтилган таълим тизимидаги баъзи бир тўсиқлар бартараф этилса, бизнинг 
таълим тизимимизнинг узлуксизлигини таъминлашимиз мумкин бўлади ҳамда бугунги кун 
талабига тўлиқ жавоб бера оладиган, замон билан ҳамоҳанг билим ва кўникмаларни 
эгаллаган ёш, билимли ва илмий изланувчан сифатли кадрларни мустақил Ўзбекистонимизга 
тайёрлаб берадиган миллий таълим тизимимизни шакллантирган бўламиз. 
Бу каби ишларни амалга ошириш натижасида жамиятда инсонлар, жумладан ўқувчи-
ёшлар орасида бизнинг таълим тизимимизга қизиқишлари янада ортади ва Ўзбекистоннинг 
таълим тизими ўзининг ижобий натижаларини дунё ҳамжамиятига намоён этиб бораверади. 
Фойдаланилган адабиётлар: 
1. Mирзиёев Ш. Миллий тараққиёт йўлимизни қатъият билан давом эттириб, янги босқичга 
кўтарамиз. //Жисмоний ва маънавий баркамол ёшлар – бугунги ва эртанги кунимизнинг ҳал 
қилувчи кучидир. 1-жилд. –Т.: «Ўзбекистон» НМИУ, 2018. 505-бет. 
2. Ўзбекистон Республикаси Кадрлар тайёрлаш миллий дастури. 3.3. Дастурнинг мақсад ва 
вазифалари. – Т.: 2007 й.\\ 
www.ziyonet.uz
 
3. Каримов И.А. Тарихий хотира ва инсон омили – буюк келажагимиз гаровидир. – Т.: 
“Ўзбекистон”, 2011. 36-бет.