Nizomiy nomidagi toshkent davlat pedagogika universiteti tabiiy fanlar fakulteti

Isis/Draw dasturining rivojlanishi hamda ayrim qulayliklar va imkoniyatlarining oshishi natijasida Symyx Draw dasturi yaratilgan. Formulalarni 2D va 3D ko‘rinishda tasvirlash bilan bir qatorda tayyor shablonlar dasturning imkoniyatlarini oshirgan.

Moddaning formulasini yozish bilan uning nomini bilish imkoniyatidan tashqari, nomidan tuzilishini keltirib chiqaradigan dastur ham mavjud. Bu dastur Chemistry 4-D Draw deb nomlanadi. Dastur asosida modda nomi uzun yoki qisqartmalar bilan berilganda ham modda tuzilishini dastur ma’lumotlari ba’zasidan foydalangan holda topish imkoniyatini yaratadi.

Modda tuzilishi va nomi orasidagi bog‘liqlikni Nomenclator va NamExpert buyruqlari o‘zaro bog‘laydi. Modda nomi orqali tuzilishini va tuzilishi orqali modda nomini bilish mumkin.

Organik kimyo kursi bo‘yicha mustaqil ta’lim olishda Disfor dasturining ahamiyati katta. A.V. Manaylov tomonidan yaratilgan bu dastur alkenlar, akinlar, dienlar, aromatik uglevodorodlar, spirtlar, metalorganik, ketokislotalar, karbon kislotalar mavzulari bo‘yicha tayyorlangan. Bu dasturdan foydalangan har bir tadqiqotchi organik reaksiyalarning o‘ng tomonini reagentlar va sharoitdan kelib chiqqan holda reaksion mahsulotni to‘g‘ri topishi zarur.

Turli moddalar formulalarini yozish, asosan noorganik moddalar formulalarini yozishga ixtiro qilingan dastur Chemical Formula Tutor dasturidir. Bu dastur 2 xir tartibda ishlaydi, birinchisi o‘qitish, ikkinchisi sinovdan o‘tkazish. Dasturning asosiy maqsadi modda formulasini yozish bo‘yicha ko‘nikmalarni shakllantiruvchiga qaratilgan.