Nizomiy nomidagi toshkent davlat pedagogika universiteti tabiiy fanlar fakulteti

1.2. Kimyoviy birikmalarning tuzilishini ifodalofchi dasturlar
Kimyoviy birikmalar tuzilishini ifodalashda bir qancha dasturlar ishlatiladi. Maktab va kasb-hunar kollejlarida kimyo fanini o‘qitishda ishlatish mumkin bo‘lgan kimyoviy birikmalar tuzilishini ifodalovchi dasturlar ko‘plab imkoniyatlarga ega. Bunday imkoniyatlardan biri modda tuzilishini ikki o‘lchamli (2D) va uch o‘lchamli (3D) holida tasvirlash imkonini beradi. Ya’ni, modda tuzilishini tekislikda va fazoda ko‘rish mumkin. Ayrim kompyuter dasturlari bir vaqtning o‘zida modda tuzilishini 2D va 3D holida tasvirlash imkonini beradi. Bunday dasturlardan modda tuzilishini 2D holida ifodalovchi dasturlar deyarli barcha kimyo darslariga tadbiq qilish mumkin. 3D holida ifodalovchi dasturlar organik birikmalar tuzilishini tasvirlashda, o‘quvchi va talabalarning onggida molekulaning fazoviy tuzilishini shakllantirishga xissa qo‘shadi. Shunday dasturlar va ularning imkoniyatlari bilan tanishib chiqsak.