Nizomiy nomidagi toshkent davlat pedagogika universiteti jismoniy madaniyat nazariyasi va metodikasi fanidan

Namoyish qilish – o‘quvchilar tomonidan materialni qabul qilishga sharoit yaratishi zarur: birinchidan, bolalarda kuzatiladigan predmetga qiziqishni shakllantirishi; ikkinchidan, ularning diqqati ta’limning aniq vazifalariga hal qiladigan yetakchi elementlarga yo‘naltirilgan bo‘lishi zarur. Tushuntirish va namoyish qilish vaqti vahajmini ta’limning vazifasiga bo‘ysundirish kerak bo‘ladi. Har qanday holda ham ko‘rgazmali his qilish o‘qituvchi savollari va o‘quvchining javoblarini natijalarni aniqlash uchun ahamiyati kattadir.
Plakatlarni namoyish qilish texnikasining barcha uchun bir xil talablari mavjud emas. Ular darsdan, mashg‘ulotdan oldin ilib qo‘yiladi yoki dars davomida harakat faoliyatining zarur bo‘lgan fazalari, elementlarini o‘quvchilar diqqatining aniq vazifalarni hal qilishga yo‘naltirib namoyish qilish uchun amaliyotda qo‘llanadi. O‘quvchilarni chalg‘itmaslik uchun namoyishdan so‘ng ular tezlik bilan yig‘ishtirib olinishi yoki joiz bo‘lsa, qoldirilishi ham mumkin.