Nizomiy nomidagi tdpu termiz filiali

Biofizikaning asosiy bo’limlari, uning shakllanishida boshqa fanlarning roli, ular bilan aloqasi. Biofizikaning asosiy bo’limlari - biologik jarayonlar kinetikasi va termodinamikasi, biopolimerlar strukturasi va funksiyasi, hujayra biofizikasi, elektrofiziologiya, bioenergetika fotobiologik jarayolar biofizikasi va h.k dir.

Shunday qilib, biofizika ayrim makromolekulaning tuzilishi va funksiyasidan tortib, biosfera darajasigacha bo’lgan gradasiyalarda kechadigan jarayonlarni tekshirib, ularning mexanizmlari va ichki dinamikasini tushuntirishni o’z oldiga maqsad qilib qo’yadi.

Adaptasiya mexanizmlari, energiya almashinish, ion gomeostazining boshqarilishi, hujayra ichi signalizasiya jarayonlari, fotomorfogenezni sistemalar darajasida tekshirish, ixcham ekologik modellar tuzish va boshqalar ham biofixikaviy tadqiqotlarning aktual yo’lalishlarini tashkil etadi. Shunday qilib, biofizikaning hozirgi zamon biologiya­si garmonik qiyofasining shakllantirishga qo’shadigan salmoqli ulushi, hayot faoliyatining asosini tashkil etuvchi eng muhim fizikaviy va fizika-kimyoviy jarayonlarning mohiyatini ochishdan iborat.