Nizomiy nomidagi tdpu boshlang’ish ta’lim fakulteti Jismoniy madaniyat nazariyasi va metodikasi (jismoniy madaniyat tarixi va sportni boshqarish ) fanidan

Shunday qilib, shahar chekkasida o‘rnashib olgan gladiatorlar atrofida qochoq qullardan iborat qo‘shin to‘plana boshlaydi. Spartakning qo‘lga kiritgan yutuqlari va qochoqlar orasida demokratik tartib-intizomga amal qilganligi tufayli ko‘proq qullar o‘z xo‘jayinlarini o‘ldirib, qo‘rg‘onlarini yoqib, qщllariga uchragan qurolarni olib qochoqlar qo‘shiniga kelib qo‘shiladi. Tez orada ularning soni 70 ming kishiga yetadi

 Endi mamlakatdan qochish to‘g‘risidagi rejalar o‘zgarib, keng miqyosdagi harbiy harakatlarga aylanadi. Qullar o‘z xo‘jayinlaridan shafqatsiz qasos olishga harakat qilishadi. Ayrim tarixchilarning fikricha, aynan Kriks Spartakni yaqin-atrofdagi barcha qo‘rg‘onlarni talab, egalarini o‘ldirib, o‘zini yondirishga undagan deyishadi. Uning Spartak qo‘li ostida mardlarcha jang qilishiga qaramasdan ikkalasi o‘rtasida doimo kelishmovchiliklar bo‘lib turgan. Rimliklar dastlab bir guruh qochoq qullarning harakatida jiddiy xavf borligini ko‘rmaganligi sabab ularni bostirish uchun general Gay Klavdiy Glabr boshchiligida kam sonli, tajribasiz askarlardan iborat qo‘shinni yuboradi. Senat legion soldatlarini ko‘rgach, qullar har tomonga qochib ketadi degan fikrda edi. Ammo, sobiq gladiatorlar boshchiligidagi qullar Glabr qo‘shinini birinchi jangdayoq mag‘lubiyatga uchratishadi. Ularning jangovor shashtini ko‘rgan Rim rasmiylari endi Publiy Variniy boshchiligidagi tajribali va ko‘p sonli qo‘shinni jo‘natadi. Ammo, Spartak askarlari Variniy qo‘shinini tor-mor qilib, o‘zini ham asir olishiga sal qoladi.