Низомий номидаги тошкент давлат педагогика

педагогик маҳорат таълим жараѐни хусусиятларини билиш, уни 
ташкил этиш ва ҳаракатга келтира олиш кўникмаси ҳисобланади; 

технологик маҳорат конструктив ва ташкилотчилик қобилиятлари 
билан боғлиқ бўлиб, аниқ иш фаолиятини уддалаш, яъни ахборот олиш, уни 
етказиш, ишни ташкил этиш ва режалаштириш жараѐнини ўз ичига олади; 

коммуникатив маҳорат инсонларни тўғри тушуниш, улар билан 
ҳамкорликда ҳаракат қилиш, мулоқот қобилияти билан боғлиқ бўлган 
кўникмалардан ташкил топади; 

таҳлилий маҳорат таълим жараѐнини чуқур ва пухта тушуниш, 
тизимнинг энг оддий ва мураккаб элементларини билиш, яхлитликни 
қисмларга ажратиш, аксинча, қисмларни яхлитлаш, ўз фаолиятини тафтиш 
ва таҳлил қила билишдан иборатдир; 

хизмат юзасидан муносабатга киришиш маҳорати раҳбарлик бир 
неча босқични ўзида мужассам этгани билан анча мураккаблигини 
кўрсатади.
Замонавий педагогик жараѐнда таълим муассасаси олдига мақсад 
қўйишда мактаб раҳбари:

таълим тизимида мавжуд эҳтиѐж ва муаммоларнинг таҳлили мақсад 
қўйишнинг бош омили бўлиб хизмат қилиши, бунда дастлабки имкониятлар 
ва воситалар, заҳиралар ҳисобга олиниши кераклиги; 

мақсадлар муҳим муаммоларни ҳал қиладиган даражада долзарб 
бўлиши лозимлиги; 

мақсадлар мураккаб, бироқ аниқ бўлиши, мактабнинг яқин 
келажакдаги ривожланишини ифодалаши шартлиги; 

мақсадлар қанчалик пухта (исталган натижанинг аниқ даражаси ва 
унга эришиш муддати кўрсатилган ҳолда) шакллантирилган бўлса, уларга 
эришиш шунча осон кечиши; 

мақсадлар 
ташхисловчи, 
рағбатлантирувчи, 
изланишга 
ва 
ташаббускорликка ундовчи ҳарактерга эга бўлиши лозимлиги; 

мақсадлар мактаб олдида турган вазифаларга мос келиши керакл-иги; 

ҳамкорликдаги фаолият мақсадлари унинг барча субъектларига 
маълум, улар учун тушунарли ҳолда қабул қилинганлиги жамоавий фаолият 
ва мақсадлар бирлигини таъминлаши; 

кичикроқ аниқ мақсадлар йирикроқ ва узоқ муддатли мақсад ҳамда 
интилишларга бўйсундирилиши мақсадга мувофиқлиги талабларни ҳисобга 
олиши лозимлигини кўрсатмоқда.
Ўқувчиларнинг ҳаѐтий эҳтиѐжларига мос ва самарали усулларни қўллаш 
орқали билимлар тақдим этилиши, кўникмалар ҳосил қилиниши, таълим 
дастурларини танлашга ягона ва табақалаштирилган ѐндашувни амалга 

---

28 
оширишга педагогик ҳамда бошқарув жиҳатдан шарт-шароитлар яратиш 
муҳим аҳамиятга эга. Мазкур технологиянинг афзалликлари шундан 
иборатки, бунда:

ўқитувчининг кучсиз ўқувчиларга ѐрдам, кучлиларига эътибор 
бериши учун қулай педагогик шарт-шароит вужудга келади; 

ўқувчиларнинг таҳсил олиш суръати ва билимларни ўзлаштириш 
сифати ортади; 

ўқувчиларнинг таҳсил олишга бўлган қизиқиши, эҳтиѐжи ва майллари 
кучаяди.