Низомий номидаги тошкент давлат педагогика

Педагогик мулоқот маданияти – педагогнинг ўқувчилар жамоаси, 
ота-оналар, ҳамкасблар, раҳбарият билан педагогик одоб ва мулоқот 
талабларига мувофиқ ҳолда уюштириладиган суҳбати
Педагогик мулоқот услублари – ўқитувчилар томонидан педагогик 
жараёнда таълим иштирокчилари билан мулоқотни ташкил этишда 
қўлланиладиган усуллар мажмуи (авторитар услуб, демократик услуб, 
либерал услуб)
Педагогик такт (лот. “tactus” – “даҳл қилиш”, “даҳлдорлик”, “ҳис 
этиш”, “туйғу”) – педагогнинг ўқувчилар билан турли фаолият шакллари 
бўйича ташкил этиладиган мулоқотда мавжуд ахлоқий тамойиллар ҳамда 
ҳулқ-атвор қоидаларга риоя қилиши, уларга тўғри ёндошиш малакаларига 

---

70 
эгалиги
Педагогик тафаккур – педагогик жараён, вазият ва ҳодисалар 
моҳиятининг, шунингдек, улар ўртасидаги муҳим боғланиш ва 
алоқаларнинг педагог онгида тўлақонли акс этиши, янги ғояларни илгари 
суриш, янгиликлар яратиш, шунингдек, педагогик жараён, вазият ва 
ҳодисаларнинг натижаларини башоратлаш; педагог ақлий фаолиятининг 
юксак шакли
Ритмика – айрим сўз ва бўғинларнинг айтилиш муддати ва 
тўхталиши, нутқ ва ифодаларнинг навбат билан ўз ўрнида ишлатилиши
Ритм (юнон. “rhythmos” < “rjeo” – “оқаман”) – нутқда товушларнинг 
муайян изчиллик, кетма-кетликда асосида такрорланиб келиши, яъни нутқ 
вазнини ифодаловчи муҳим хусусият
Ташкилотчилик қобилияти – педагог томонидан таълимий ва 
тарбиявий жараёнларни илмий-назарий, методик ва ҳиссий жиҳатдан 
тўғри ташкил этилишини англатувчи сифат
Тембр (фр. “timbre” – “қўнғироқ”, “белги”, “тамға”, “фарқловчи 
белги”) – товушнинг товланиши (товуш рангдорлиги, ёрқинлиги, 
юмшоқлиги ва алоҳидалиги)ни ифодаловчи хусусият
Товушнинг ихчамлиги ва ҳаракатчанлиги – нутқ ҳосил қилувчи 
органлар фаолияти асосида ҳосил бўлган товушнинг бежирим, йиғинчоқ 
ва тебранувчан эканлигини англатувчи хусусият