Низомий номидаги Тошкент давлат педагогика университетида курс ишлари бажарилишини ташкил этиш ва уларни ҳимоя қилиш тартиби

Низомий номидаги Тошкент давлат педагогика университети ўқув-услубий кенгаши йиғилишининг 2018 йил 8 ноябрдаги навбатдан ташқари 3/1-сонли қарориига илова

Низомий номидаги Тошкент давлат педагогика университетида курс ишлари бажарилишини ташкил этиш ва уларни ҳимоя қилиш

ТАРТИБИ

1. 
   Умумий қоидалар.
   
   1. 
      Курс иши талабанинг мустақил илмий тадқиқот иши бўлиб, бакалавриат таълим йўналишлари талабалари томонидан 4–йиллик ўқиш даври мобайнида 3 та курс ишларини, магистратура мутахассисликларида таҳсил олаётган талабалар томонидан 2-йиллик ўқиш даври мобайнида 2 та фандан курс иши бажариши белгиланган.
      
   2. 
      Курс ишлари бакалавриат таълим йўналишлари ва магистратура мутахассисликларининг 2-3-блок фанларидан белгиланиши керак.
      
   3. 
      Курс ишни бажаришдан мақсад талабалар томонидан ўрганилган назарий материалларни мустаҳкамлаш ва уларни илмий-методик нуқтаи-назардан ёритиб беришни ҳамда амалиётга татбиқ қила олишни ўргатиш.
      
2. 
   Курс иши (лойиҳа)лари мавзулари банкини ишлаб чиқиш.
   

2.1. Курс иши мавзулари рўйхати ҳар ўқув йилида кафедра томонидан янги ва долзарб муаммоларни ёритишга асос бўладиган мавзулар билан янгиланиб туриши ва ўқув йилининг 1 октябрига қадар талабаларга танишиш учун берилиши керак. Курс иши мавзуларининг тўплами қуйидаги талабларга жавоб бериши керак:

• 
  бўлажак ўқитувчини тайёрлаш вазифаларига мос келиши;
  
• 
  замонавий илмий-педагогик тадқиқотлар йўналишлари ва муаммоларини ҳисобга олиши;
  
• 
  кафедра жамоаси ва алоҳида ўқитувчилар томонидан ўрганилаётган мавзуларни ҳисобга олиши;
  
• 
  назария ва амалиёт соҳасига нисбатан талабаларнинг хилма-хил қизиқишларини ҳисобга олиш;
  
• 
  курс иши мавзусини талаба томонидан бажариладиган битирув малакавий ишига асос бўлиши мақсадга мувофиқ. Шу сабабли кафедралар томонидан талабаларга бериладиган курс ишлари мавзулари битирув малакавий ишининг давоми сифатида, ДТС, малака талабларига мослиги ва уларга жавоб берадиган, ҳозирги кунда долзарб бўлган мавзу танлашда маслаҳат бериши лозим.(КИМ)
  

2.2. Курс ишини бажарилиши бўйича шахсий иш режасини ўқув графигига кўра ўқув жараёнинг 1 – ҳафтасида тасдиқлаш. -илова
2.3. Курс ишини мавзусини ўзгартириш факультет кенгаши (кафедра йиғилиши)да ўрганилиб чиқилиб, унга кўра ректор буйруғига ўзгартириш киритишга истисно тариқасида рухсат берилади.
2.4. Курс ишига раҳбарлик қилиш кўп йиллик педагогик стаж, юқори тажрибага тажрибага эга бўлган ёки илмий-тадқиқот ишлари олиб бораётган кафедра профессор-ўқитувчилари томонидан амалга оширилади.