Низомий номидаги тошкент давлат педагогика университети ҳузуридаги халқ таълими ходимларини

 
Мавзу: “Ўзбек портрет санъати усталарининг ижодини ўрганиш”
Кейснинг асосий мақсади: тингловчиларга тасвирий санъатда портрет 
жанрининг аҳамяти ҳақида тушунча бериш, академик Малик Набиевнинг 
портрет жанрида ишланган асарларни бадиий идрок этишга ўргатиш ҳамда 
унинг ҳаёти ва ижоди билан таништириш. 
Ўқув фаолиятидан кутиладиган натижалар: 
1. Портрет жанри ва унинг ривожланиш тарихи тўғрисидаги 
маълумотларни ўзлаштиради; 
2. Портрет жанрида ишланган асарларни бадиий идрок этади; 
3. Рассом, академик Малик Набиевнинг ҳаёти ва ижоди, асарларининг 
яратилиши тўғрисидаги билим, кўникмалар шаклланади. 
Ушбу кейсни муваффақиятли амалга ошириш учун тингловчилар 
олдиндан қуйидаги компетенцияга эга бўлишлари керак: 
Тингловчи қуйидагиларни билиши керак: Портрет жанри ва унинг 
ривожланиш тарихи, портрет жанрида ижод қилган рассомлар ва уларнинг 
асарлари, рассом, академик Малик Набиевнинг айрим асарлари тўғрисидаги 
билимларни. 
Тингловчи қуйидаги кўникмаларга эга бўлиши керак: мавзуни мустақил 
ўрганиш; муаммонинг моҳиятини аниқлаштириш; ғояларни илгари суриш; ўз 
нуқтаи назарига эга бўлиб, мантиқий хулоса чиқариш; ўқув маълумотлар билан 
мустақил ишлаш; маълумотларни таққослаш, таҳлил қилиш ва умумлаштириш. 
Тингловчи қуйидаги малакаларга эга бўлиши керак: индивидуал ва 
ҳамкорликда ишлаш, когнитив, эвристик, креатив фаолият малакалари. 
Кейснинг тавсифномаси: Кейснинг асосий объекти дастгоҳли академик 
рангтасвир асослари ва композиция фани дарси. Бу ташкилий кейс бўлиб, 
маълумотлар топшириқлар асосида тузилган. Ҳажми ўртача тизимлаштирилган 
бўлиб, тренингга мўлжалланган ҳамда мавзу юзасидан билим, кўникма ва 
малакаларни эгаллашга йўналтирилган. 
Дидактик мақсадларга кўра кейс муаммоларни тақдим қилиш, уларни ҳал 
этиш, таҳлил этиш ва янги тавсиялар ишлаб чиқиш ҳамда уни амалиётга тақдим 
этишга йўналтирилган.