Низомий номидаги Тошкент Давлат Педагогика Университети Мактабгача таълим факультети Мактабгача таълим методикаси кафедраси

Таълим жараёнидаги мусиқа тарбияси ва уни ривожлантиришнинг вазифалари

Ўрта гуруҳ	Катта гуруҳ	Мактабга тайёрлов гуруҳ
1. Мусиқага нисбатан идрок ва эмоционал ҳозиржавобликни ривожлантириш
Мусиқага қизиқиш ва, муҳаббатни, уни тинглаш, мусиқа таассуротини бойитиш, мусиқали-сенсор қобилиятини ўстириш иштиёқини тарбиялаш.	Мусиқавий қобилиятни ўстириш, мусиқа воситалари ёрдамида теварак-атроф, она табиатга эстетик муносабатни тарбиялаш, турли характердаги мусиқани тушунишни тарбиялаш, юқори овозлилик, лад, ритмик, тембрли ва динамик эшитиш қббилиятини ривожлантириш.		Мусиқага баркарор қизиқиш ва муҳаббатни тарбиялаш, қўшиқлар, рақсларни биргаликда ижро этиш, умумрй муваффақиятдан шодланишга интилиш, эмоционал ҳозиржавоблилик, тембр, динамик эшитиш қобилиятини, ритмни ҳис қилишни ривожлантириш.
2. Мусиқа ижрочилик ва ижодий қобилиятларни ривожлантириш
Ашулачилик овози, мусиқа билан бажариладиган ҳаракатларнинг ифодалилиги ва ритмлилигини ривожлантириш, металлафон чалиш усуллари билан таништириш.	Ашулачилик овози, ҳаракатларнинг ритмиклиги ва ифодалилигини ривожлантириш, металлафон ва зарбли асбобларни чалишнинг дастлабки усулларини ўргатиш, қўшиқ, рақс ва мусиқали-образли ҳаракатларни бадиҳа қилишни рағбатлантириш	Диапазонни кенгайтириб, ашулачилик овозини ўстириш-куйлашнинг ифодалилигини. ҳаракатларнинг образлилиги ва ритмиклигини ўстириш, турли болалар мусиқа асбобларида индивидуал, ансамблда чалиш кўникмаларини шакллантириш, қўшиқларни импровизация қилишда, мусиқали ўйин образини ифодалашда, турли қўшиқлар инсценировкаларида мустақиллик ва ижодий ҳаракат усулларини шакллантириш.

Дастур талабларини тўлиқ бажариш учун катта киши ва боланинг фаол ўзаро таъсири асосида қурилувчи метод ва усулларни пухта ўйлаб чиқиш лозим. Бунда етакчи роль педагогга тааллуқлидир. Унинг бу ишдаги муваффақияти кўп жиҳатдан боланинг эҳтиёж ва қизиқишларига ҳамда унда мавжуд бўлган индивидуал тажрибага таяниши ёки таянмаслигига боғлиқдир.
Мусиқали эстетик тарбия фақат қандайдир қобилиятларни ўстиришгагина қўлланмаган. Гап бола шахсини шакллантириш устида боряпти. Демак, методлар пировардида боланинг мусиқага нисбатан эстетик муносабатининг тарбияланишини таъминлаши лозим. Методлар ўзининг йўлланганлигига кўра яхлитдир ва улар болаларга фақат қўшиқлар айтиш, рақсга тушиш, мусиқа асбобларини чалишни ўргаиишларидагина ёрдам бериб қолмай, балки уларнинг умумий мусиқали эстетик камол топишларига ҳам кўмак бериши лозим.