Nizom I. Umumiy qoidalar

“Ona tili fanini samarali o‘qitish metodikasi ”tuman tanlovini tashkil qilish va o‘tkazish to‘g‘risida
NIZOM
I. Umumiy qoidalar
1. Mazkur Nizom G‘ijduvon tuman xalq ta’limi tasarrufidagi umumiy o‘rta ta’lim maktablari Ona tili va adabiyot, O‘zbek tili fani o‘qituvchilari o‘rtasida “Ona tili fanini samarali o‘qitish metodikasi ” tanlovini tashkil etish va o‘tkazish tartibini belgilaydi.
2.Tanlov G‘ijduvon tuman Xalq ta’limi bo‘limining O‘quv –tarbiya jarayonini metodik ta’minlash sho‘basi hamda Ona tili va adabiyoti fan sho‘basi hamkorligida o‘tkaziladi .
3.Tanlovni tashkil etish va g‘oliblarni aniqlash tuman tashkiliy qo‘mitasi tomonidan amalga oshiriladi.

II.Tanlovning maqsad va vazifalari
4.Tanlovning asosiy maqsad va vazifalari quyidagilardan iborat:
-o‘zbek tili va ona tili va adabiyot fani o‘qituvchilari orasidan mahoratli va tashabbuskor,o‘zini ustida ishlaydigan faol o‘qituvchilarni aniqlash,ularning ta’lim sifatini oshirishga qaratilgan innovatsion g‘oyalarini qo‘llab-quvvatlash va ish tajribasini ommalashtirish;
-O‘zbek tili va ona tili va adabiyot fanini o‘qitilishi bo‘yicha zamonaviy yondashuvlarni qo‘llashga qaratilgan amaliy ishlanmalar ko‘lamini kengaytirish;
-umumta’liijodiy ishlarni maktablarida o‘quvchilarning tinglab tushunish,o‘qib tushunish,so‘zlash va yozish,nutq vaziyatini to‘g‘ri baholash va til imkoniyatlaridan unga mos ravishda foydalanish ko‘nikmalarini shakllantirishga qaratilgan ijodiy ishlarni ommalashtirish.
III.Tanlovni o‘tkazish muddati va bosqichlari
5. Tanlovni o‘tkazish muddati :
2022-yil 19-yanvarda o‘tkaziladi.
6.Tanlov bir bosqichda tuman miqyosida o‘tkaziladi.
Tanlovning tuman bosqichini o‘tkazish tartibi
7.Tanlovni tashkil etish va o‘tkazish mas’uliyati tuman xalq ta’limi bo‘limi metodistlariga yuklatiladi.
Tanlovda taqdimot 8-9- sinf ona tili darsligi 3-chorak mavzulari asosida tayyorlanishi talab qilinadi.
8. “Ona tili fanini samarali o‘qitish metodikasi”taqdimoti (slaydlar bilan) o‘tkaziladi va 10daqiqa vaqt beriladi.
Texnik jihatdan:
-sig‘imi 130 MBdan ko‘p bo‘lmasligi ;
-taqdimotlar Microsoft Presentation(ppt) dasturida tayyorlanishi;
-taqdimotda slaydlar soni 13 betdan oshmasligi;
-taqdimotda berilgan matnlar 24 shriftdan kam bo‘lmasligi;
-taqdimotda ranglardan foydalanish mezonlariga,mavzuga mos rasm va chizmalardan, audio va matndan foydalanishda sifat va qulaylikka e’tibor berilishi lozim.
Mazmun jihatdan :
-tinglab tushunish,gapirish,o‘qish,yozish ko‘nikmalarini rivojlantirishga oid metodlarning qamrab olinganligi;
-taqdimot va dars mashg‘ulotlarining tanlov mavzusiga hamda tanlov oldigaqo‘yilgan maqsad va vazifalarga mos bo‘lishi;
-mavzuni tushuntirishda o‘quvchilarning psixologik xususiyatlari inobatga olinganligi;
-taqdimot va dars mashg‘ulotlarida o‘quvchilarda tuyg‘u va tasavvur uyg‘ota olishi,mavzuni amaliyot bilan bog‘langanligi,kreativlik,ishning uslubiy jihatdan o‘ziga xosligi,darsda qo‘llanish imkoniyatining mavjudligi.
9.Taqdimot 100 ballik mezon asosida baholanadi.


IV.G`oliblarni taqdirlash:


10. .Tanlovning tuman bosqichida hakamlar hay’ati tomonidan faol ishtirok etgan va g‘olib bo‘lgan 1 nafar 1-o‘rin 2 nafar 2-o‘rin va 2 nafar 3-o‘rin sohiblari aniqlanadi va tuman xalq ta’limi bo‘limining diplomlari bilan taqdirlanadi .
11. 1-o‘rinni qo‘lga kiritgan g‘olib o‘qituvchining ishi tuman miqyosida ommalashtiriladi.


Tuman xalq ta’limi bo‘limi
ona tili va adabiyot fani metodisti : M.Hodiyeva