Низом I. Умумий қоидалар

Жойлардаги касб-ҳунар коллежлари ва академик лицейларда ва улар жойлашган ҳудуддаги ёшлар учун спорт, санъат, компютер, тил ўрганиш ва бошқа йўналишларда тўгараклар ташкил этиш бўйича намунавий
НИЗОМ


I. Умумий қоидалар:

1. 
   Ушбу наъмунавий Низом Ўзбекистон Республикасининг “Таълим тўғрисидаги” Қонунни ва “Кадрлар тайёрлаш миллий дастури” асосида ишлаб чиқилган бўлиб, жойлардаги касб-ҳунар коллежлари ва академик лицейларда ва улар жойлашган ҳудуддаги ёшлар учун спор т, санъат, компютер, тил ўрганиш ва бошқа йўналишларда тузиладиган тўгараклар фаолиятини белгилаб беради.
   
2. 
   Жойлардаги касб-ҳунар коллежлари ва академик лицейларда ва улар жойлашган ҳудуддаги ёшлар учун спорт, санъат, компютер, тил ўрганиш ва бошқа йўналишларда тўгараклар қуйидаги мақсадларда ташкил этилади:
   

• 
  касб-ҳунар коллежлари ва академик лицейлари ҳудуддаги жойлашган ёшларнинг эхтиёж ва қизиқишларини қондириш;
  
• 
  ёшларнинг жисмоний, санъат, компютер, тил ўрганиш ва бошқа йўналишлардаги қобилиятларини ривожлантириш, ҳар томонлама баркамол бўлиб вояга етишларини таъминлаш;
  
• 
  ёшларнинг ўз устиларида мустаҳкам шуғулланишлари, билим ва кўникмаларини оширишлари учун қулай шарт-шароит яратиш;
  
• 
  ёшларнинг замон талаблари асосида ўсиб – улғайишлар, бушгунги кун талаб этаётган соҳа ва йўналишларини эгаллашлари учун ёрдамлашиш;
  
• 
  ёшларнинг бўш вақтларини мазмунли ташкил этишга кўмаклашиш.
  

3. 
   Жойлардаги касб-ҳунар коллежлари ва академик лицейларда ва улар жойлашган ҳудуддаги ёшлар учун спорт, санъат, компютер, тил ўрганиш ва бошқа йўналишларда тузиладиган тўгараклар фаолияти Ўзбекистон Респуболикаси Олий ва ўрта махсус таълим вазирлиги, Ўрта махсус касб-ҳунар таълим маркази томонидан мувофиқлаштирилади.
   
4. 
   Мазкур тўгараклар Ўзбекистон Республикасида жорий этилган узлуксиз таълим тизимининг таркибий қисми бўлиб, ёшларга қўшимча таълим-тарбия беришга мўлжалланган.