Ni boyinsha

Shegaralıq baqlaw (ShB) – semestr dawamında oqıw baǵdarlamasınıń tiyisli (pánlerdiń bir neshe temaların óz ishine alǵan) bólimi tamamlanǵannan keyin studenttiń teoriyalıq bilim hám ámeliy kónlikpe dárejesin anıqlaw hám bahalaw usılı. Shegaralıq baqlaw bir semestrde eki márte ótkiziledi hám forması (jazba, awız eki, test hám t.b.) oqıw pánine ajratılg`an ulıwma saatlar kóleminen kelip shıqqan halda belgilenedi;
Juwmaqlawshı baqlaw (JB) – semestr juwmag`ında anıq pán boyınsha teoriyalıq bilim hám ámeliy kónlikpelerdi studentler tárepinen ózlestiriw dárejesin bahalaw usılı. Juwmaqlawshı baqlaw tiykarınan tayanısh túsiniklerge tiykarlanǵan “Jazba jumıs” formasında ótkiziledi.
ShB ótkeriw protsessi kafedra baslıg`ı tárepinen dúzilgen komissiya qatnasıwında turaqlı túrde úyrenilip barıladı hám onı ótkeriw tártipleri buzılǵan jaǵdaylarda, ShB nátiyjeleri biykar etiliwi múmkin. Bunday jaǵdaylarda ShB qayta ótkiziledi.
Joqarı bilimlendiriw ornı basshısınıń buyrıg`ı menen ishki baqlaw hám monitoring bólimi basshılıǵında dúzilgen komissiya qatnasıwında JB nı ótkeriw protsessi turaqlı túrde úyrenip barıladı hám onı ótkeriw tártipleri buzılǵan jaǵdaylarda, JB nátiyjeleri biykar etiliwi múmkin. Bunday jaǵdaylarda JB qayta ótkiziledi.
Studenttiń bilim dárejesi hám kónlikpelerin baqlawdıń reyting sisteması tiykarında studenttiń pán boyınsha ózlestiriw dárejesi ballar arqalı ańlatıladı.
«Programmalıq principlari» páni boyınsha studentlerdiń semestr dawamındaǵı ózlestiriw kórsetkishi 100 ballıq sistemada bahalanadı.
Usı 100 ball bahalaw túrleri boyınsha tómendegishe bólistiriledi:
J.B.-30 ball, qalg`an 70 ball bolsa A.B.-36 ball hám Sh.B.-34 ball etip bólistiriledi.

Ball	Baha	Studentlerdiń bilim dárejesi
86-100	Ayrıqsha	Juwmaq hám qarar qabıl etiw. Tvorchestvalıq pikirley alıw. Óz betinshe pikir júrite alıw. Alǵan bilimlerin ámelde qollay alıw. Mánisin túsindiriw. Biliw, aytıp beriw. Kóz aldına keltire biliw.
71-85	Jaqsı	Óz betinshe pikir júrite alıw. Alǵan bilimlerin ámelde qollay alıw. Mánisin túsindiriw. Biliw, aytıp beriw. Kóz aldına keltire biliw.
55-70	Qanaatlandırarlı	Mánisin túsindiriw. Biliw, aytıp beriw. Kóz aldına keltire biliw.
0-54	Qanaatlandırarsız	Anıq kóz aldına keltire almaw. Bilmew.

Pán boyınsha saralaw balı 55 ball boladı. Studenttiń saralaw ballınan tómen bolǵan ózlestiriliwi reyting dápterine jazılmaydı.

Studentlerdiń oqıw páni boyınsha óz betinshe jumısı aǵımdaǵı, shegaralıq hám juwmaqlawshı baqlawlar protsessinde tiyisli tapsırmalardı orınlawı hám oǵan ajratılg`an ballardan kelip shıqqan halda bahalanadı.
Studenttiń pán boyınsha reytingi tómendegishe anıqlanadı:
bul jerde: V-semestrde pánge ajratılg`an ulıwma oqıw júklemesi (saatlarda);
- pán boyınsha ózlestiriw dárejesi (ballarda).
Pán boyınsha aǵımdaǵı hám shegaralıq baqlawlarǵa ajratılǵan ulıwma balldıń
55 protsenti saralaw ball bolıp, usı protsentten kem ball toplaǵan student juwmaqlawshı baqlawǵa kiritilmeydi.
Aǵımdaǵı AB hám shegaralıq ShB túrleri boyınsha 55 ball hám onnan joqarı balldı toplaǵan student pándi o`zlestirgen dep esaplanadı hám usı pán boyınsha juwmaqlawshı baqlawǵa kirmewine jol beriledi.
Studenttiń semestr dawamında pán boyınsha toplaǵan ulıwma balı hár bir baqlaw túrinen belgilengen qaǵıydalarǵa muwapıq toplaǵan balları jıyındısına teń. ShB hám JB túrleri kalendar tematikalıq rejege muwapıq dekanat tárepinen dúzilgen reyting baqlaw tablitsaları tiykarında ótkiziledi. JB semestrdıń aqırǵı 2 hápteleri ishinde ótkiziledi.
AB hám ShB baqlawlarda saralaw ballınan kem ball toplaǵan hám keshirimli sebepleri menen baqlawlarda qatnasa almaǵan studentke qayta tapsırıw ushın, gezektegi usı baqlaw túrine, al kelesi aǵımdaǵı hám shegaralıq baqlawlar ushın juwmaqlawshı baqlawǵa shekem bolǵan múddet beriledi.
Studenttiń semestrde AB hám ShB túrleri boyınsha toplaǵan balları usı baqlaw túrleri ulıwma ballınıń 55 protsentinen kem bolsa yaki semestr aǵımdaǵı, shegaralıq hám juwmaqlawshı baqlaw túrleri boyınsha toplaǵan balları jıyındısı 55 baldan kem bolsa, ol akademik qarızdar dep esaplanadı.
Student baqlaw nátiyjelerinen narazı bolsa, pán boyınsha baqlaw túri nátiyjeleri daǵaza etilgen waqıttan baslap bir kún ishinde fakultet dekanına arza menen xabarlasıwı múmkin. Bunday jaǵdayda fakultet dekanınıń usınısı boyınsha rektor buyrıǵı menen 3 (úsh) aǵzadan kem bolmaǵan quramda apellyatsiya komissiyası shólkemlestiriledi.
Apellyatsiya komissiyası studentlerdiń arzaların kórip shıǵıp, usı kúnniń o`zinde juwmaǵın bildiredi.
Bahalawdıń ornatılǵan talaplar tiykarında belgilengen múddetlerde ótkeriliwi hám de hújjetlestiriliwi fakultet dekanı, kafedra baslıǵı, oqıw-metodikalıq bólimi hám ishki baqlaw hám monitoring bólimi tárepinen qadaǵalap barıladı.