Neyroxirurgiya kursi

Kraniotserebral travmalar paytida bemorlarda kuzatiladigan klinik sindrom va simptomlarni 5 guruhga boʼlish mumkin:

• Umumiy miya simptomlari. Bu simptomlar asosan miya qutisi ichidagi likvor bosiminining oshishi natijasida kelib chiqadi. Bundan tashqari miyaning mexanik omil taʼsirida siljishi, vibratsiyasi va likvorodinamikaning buzilishi katta ahamiyatga ega. Umumiy miya simptomlarga quyidagilar kiradi: bosh ogʼrishi, koʼngil aynishi, qusish, bosh aylanishi, meningeal simptomlar.
• Oʼchoqli simptomlar. Bu simptomlar koʼpincha bosh miya lat yeyishiga va uning bosilishiga xosdir, chunki oʼchoqli simptomlar miya toʼqimasida yuzaga keladigan oʼchoqli morfologik oʼzgarish va qon aylanishining buzilishiga bogʼliq.
• Miyada patologik oʼchoqning yaqin joylaridan yoki miyaning boshqa qismlaridan kelib chiqadigan oʼzgarishlar.
• Vegeto-somatik simptomlar. Kraniotserebral travmalar paytida koʼkrak qafasi va qorin boʼshligʼi aʼzolarida yuzaga keladigan oʼzgarishlar (yurak-qon tomir faoliyatlarini va nafas olish faoliyatlarining buzilishlari, jigar faoliyatining buzilishi).
• Dislokatsion sindrom (Miyaning ogʼir darajali shishi, boʼkishi va bosilishiga xos simptomlar).