Neft narxi bir yil ichida ilk bor arzonladi

Neft narxi bir yil ichida ilk bor arzonladi
Londonning ICE birjasida Brent markali nefti narxi 4 yanvardan beri bir barreliga 79 dollardan pastga tushganini qayd etdi. Ma’lum qilinishicha, brend markali qora oltinning narxi 4,34 foizga arzonlagan. Shu bilan birga, WTI neftining 2023 yil yanvar oyidagi fyucherslari 3,98 foizga pasayib, hozirda bir barreli 73,87 dollarni tashkil qilmoqda.
Meksikada avtobus ag’darildi
Meksika poytaxti Mexiko janubida sayyohlik avtobusi aylanma yo‘lda to‘siq ustiga qulab tushgan. Hodisa oqibatida 50 dan ortiq kishi jabrlangan, bir yo‘lovchi halok bo‘lgan. Mamlakat favqulotda vaziyatlar boshqarmasining bayonotida, hozirga qadar bir jabrlanuvchi va 55 nafar yarador aniqlangani, hamda ulardan 42 nafari shifoxonalarga yotqizilgani qayd etilgan. Boshqarmaning qo’shimcha qilishicha, meksikalik pensionerlar avtobusda kanallar bo‘ylab sayr qilish uchun Sochimilko hududiga ketayotgan bo‘lgan. Shuningdek, rasmiylar tomonidan hodisaning tafsilotlarini hozircha oshkor etilmagan. Biroq shahar prokuraturasi xodimlari baxtsiz hodisaning sabablarini aniqlashga kirishgan.


Yaqin besh yillikda qayta tiklanuvchi energiya ulishi sezilarli oshadi
Xalqaro energetika agentligi kelgusi besh yil ichida qayta tiklanadigan energiya ishlab chiqarish bo‘yicha global quvvat taxminan 75 foizga oshishini ma’lum qildi. Ular dunyodagi eng yirik elektr energiyasi ishlab chiqarish manbai sifatida ko‘mirning o‘rnini egallaydi. Shuningdek, qayta tiklanadigan manbalar 2025 yilga kelib ko‘mirni siqib chiqaradi va elektr energiyasini ishlab chiqarish uchun dunyodagi eng katta manbaga aylanadi. Natijada kelgusi besh yil ichida jahon energetika balansidagi qayta tiklanuvchi energiya manbalari ulushi 10 foizga o‘sib, 38 foizga yetadi, shu bilan birga belgilangan davrda ko‘mir, tabiiy gaz, atom energiyasi va neft ulushi mos ravishda kamayadi.