Нефт-газни қайта ишлаш жиҳозлари, ускуналари ва лойиҳалаш асослари

Пиролиз жараёни эндотермик бўлгани учун ташқаридан иссиқлик бериб туриши керак.
Булар 3 турли бўлади:

1. 
   ташқаридан
   
2. 
   ичкаридан
   
3. 
   ташқарига олиб чиқиш билан иситиш.
   

Очиқ (острий) пар билан иситиш мумкин. Пиролиз печларидан ҳарорат асосан 700-750⁰С дан 850-870⁰С гача бўлади. Маҳсулот печдан 800-850⁰ С да чиқади. Полимеризация кетмаслиги учун “закалка” чиниқтириш жараёни бажарилади. Яъни чиқаётган маҳсулотга сув пуркалади. Ҳарорат тезда 700⁰С га пасаяди. Олинган иссиқлик хомашёни иситиш учун ишлатилади.
«пиролиз» тушунчасини юқори температурадаги крекинг билан боғлайдилар.
Пиролизга учратилаётган хомашёга боғлиқ холда қуйдагича фарқлайдилар.
1) Газ холидаги хомашёни пиролизи-табиий ва йўлдош газларни, нефтни қайта ишлашдаги газлар фракциясини пиролизи;
2) Суюқ нефт асосидаги хомашёни пиролизи: қуйи октан сонили газ холидаги ва тўғридан-тўғри хайдалган бензинларни каталитик реформингдан кейин ароматикаси ажратиб олингандан рафинатларни , керосин-газойл фракциясини оғир нефт асосидаги қолдиқларни ва хаттоки нефтни ўзини крекинги.
Этиленни олишда энг маъқул хомашё – этан ва пропандир.
Метан пиролизга энг қийин учрайдиган хомашёдир: унинг пиролизи 700⁰С дан юқорида бошланади. 1000-1200⁰С да ундан этилен ва ацетилен олиш мумкин; 1200⁰Сдан юқорида харорат пиролиз махсулоти ацетилендир.
Этанни пиролизида энг маъқули 750-850⁰С хароратдир; бунда этилен энг кўп миқдорда хосил бўлади.
Прпанни пиролиз қилинганда (t=700-800⁰С) махсулот таркибида энг кўпи этилен ва метандир, чунки С-С боғи С-Н боғига нисбатан енгилроқ узилади.
Бутанни пиролизи 400⁰С дан бошланади ва қуйдаги уч йўналишда боради.

Келтирилган тенгламалардан кўриниб турибдики, биринчи икки реакция камроқ иссиқлик сарфи билан кетади ва шу сабабли нисбатан қуйи хароратда олиб борилади: бутанни пиролизи 400⁰С да бошланади; дегидрирлаш фақат 600⁰С хароратда кетади.
Амалда пиролиз учун индивидуал углеводородлар эмас , балки табиий ва йўлдош газлардан ёки нефтни қайта ишлашда хосил бўладиган газ фракциялари ишлатилади.
Хозирги вақтда ташқи иситишли биринчи гурух жараёни энг ўп тарқалган бўлиб, трубкали печлардаги пиролизнинг турли схемалари мавжуддир
Хомашё ва циркуляция газлари сув буғи билан аралашиб, трубкали печга киради ва у ерда 780-800⁰С гача (илк хомашё ва мақбул махсулотга қараб) жуда қисқа вақт ичида (1сек кўп эмас) қизийди.
Трубкали печларда пиролиз қилишнинг камчиликлари қуйдагилардан иборат:
1) кичик ишлаб чиқариш қуввати;
2) печли илон изи трубкалари учун юқори легирланган пўлатни ишлатиш зарурати;
3) илон изи трубкаларнинг юқори гидравлик қаршилиги , бу эса киришда босимнинг ошишига ва олефинларни салмоғини пасайишига олиб келади;
4) ишининг даврийлиги- коксни ёқиб юбоиш учун печ ишини тўхтатиш зарурати.
Трубкали пиролиз печларини эффектив ишлаши илон изи трубкалар узунлиги бўйича оптимал харорат профилини хосил қилиш имкониятлари билан аниқланади, бу эса печнинг илон изи трубкаси ишланган металнинг физик хоссалари ва теплотехник имкониятлари – илон изи трубкага локал иссиқлик олиб келишнинг қуввати билан белгиланади. Илон изи трубкаларни махсус жойлаштириш печни енгил углеводород хомашёсини қайта ишлашда тўхтамай ишлаш даврини деярли 6 ойгача етказади.
Замонавий кўп камерали пиролиз печларининг этилен бўйича қуввати 50минг тонна/йилига ва ундан кўпга етган бўлиб, бу бир корпусда 16 тагача параллел ишловчи пиролиз илон изи трубкалари бўлган бир нача оқим камераларини (4-5 тагача) блокировкалаш натижасида эришилган.
Иккинчи гурух жараёнлари- иссиқликни ички етказиш усулида, яъни хомашёни ўта қиздирилган газлар ёки сув буғи билан контакт холда амалга оширилади.
Иссиқлик ташувчилар воситасидаги хамма жараёнлар деярли бир схема асосида амалга оширилиб, бунда хомашё аввалом бор иссиқлик алмаштирувчида 350-450⁰С хароратгача иситилиб, сув буғи билан аралашма холида реакторга юборилади. Реакторда 700-900⁰С гача (қандай хомашёлигига қараб) иссиқлик ташувчи хисобига қиздирилади.
Кислородда пиролиз (автотермик пиролиз) қуйдагича амалга оширилади: 550-650⁰С хароратгача иситилган хомашё кислород билан аралаштирилади (100қисм хомашё 30 қисм кислород); бунда хомашёнинг бир қисми ёниб ва ёниш махсулотлари қолган хомашё билан аралашиб, харорат пиролиз борувчи 800-900⁰С гача кўтарилади.

Назорат учун саволлар

1. 
   Нефт курилмаларининг группаларини санаб Беринг.
   
2. 
   Кожух трубали иситкичларни ишлаш принципини тушунтириб беринг.
   
3. 
   Иситувчи агентларнинг хусусиятлари айтиб беринг
   
4. 
   Горизонтал иситкичлар ҳақида тушунча беринг.
   
5. 
   Юзали ва аралашувчи конденсаторлар нима?
   
6. 
   Ҳаво билан совитувчи қурилма қандай ишлайди..
   

7. 
   Компенсаторлар ва уларнинг тузилиши ҳақида тушунча беринг.
   
8. 
   Кожухтрубали иситгичларнинг камчилиги нимадан иборат?
   
9. 
   Труба ичидаги труба шаклидаги иситгичлар тузилиши ва
   

уларнинг камчилиги нимадан иборат?