Назорат ишини бажариш учун саволлар

Тоғ жинсларининг дислокацияси

Дислокацион тектоник ҳаракатлар геосинклинал ҳудудларга хос бўлиб, жинсларнинг дастлабки ётиш ҳолатлари ва хусусиятларини ўзгартиради. Горизонтал ҳолда ётган қатламлар бурмаланади, узилади ва уларнинг айрим қисмлари узилмалар бўйича юқорига ёки пастга силжийди.

Жинсларнинг бирламчи горизонтал ётишининг ўзгариб бурмаланиши ёки узилиши тоғ жинсларининг дислокацияси деб аталади.

Дислокациялар тектоник ҳаракатнинг кўринишига ва дислокациялар шаклиги қараб икки турга бўлинади:

1. Бурмали дислокация

2. Узилмали дислоация.

Тоғ жинсларининг бурмаланиши ҳар доим тектоник дислокациялар (бурмаланиш, чуқур ёриқлар), баъзан магматик массаларнинг кўтарилиши билан боғлиқ бўлиб, жинслар эримаган кристалл (қаттиқ ёки пластик) ҳолатида (уларга нураш, чўкиндиларнинг диагенези ва цементланиши, ер юзасига яқин жойлардаги жипелашиш жараёнлари тегишли эмас) содир булади. Дислокациялар Ернинг чуқур зоналаригача етиб бориб, флюидларнинг юқорига йўналган оқимининг ҳосил бўлиши ва магматизмнинг ривожланишига олиб келадиган транинг кўтарилишини, Тоғ жинсларининг бурмаланишини, эндоген конларнинг ҳосил бўлишини тезлаштиради. Бу жараёнлар генетик жиҳатдан ўзаро боғлиқ бўлиб, Ер пўсти эволюцияси суръати давомида жисмларнинг юқорига йўналган миграциясини акс эттиради.