Nazarova Zamira Adashovna O‘zbek tili darslarida interfaol usullardan foydalanish

VI. Baholash.

Jamlangan ballar hisoblanadi va g‘olib guruh taqdirlanadi.Barcha o‘quvchilar baholanadilar.

VII. Uyga vazifa.

“Navro‘zi olam keldi” mavzusida ijodiy matn yozish. Unda bog‘lovchi va ko‘makchilardan foydalanish.

8-sinf. O‘zbek tili.

Darsning mavzusi: Abu Rayhon Beruniy (Sof ko‘makchilar)

Darsning maqsadi:

Ta’limiy: o‘quvchilarga sof ko‘makchilar haqida ma’lumotlar berish.

Tarbiyaviy: o‘quvchilarni buyuk ajdodimizga hurmat va iftixor ruhida tarbiyalash;

Rivojlantiruvchi: o‘quvchilarning og‘zaki nutqi va mustaqil fikrlash malakalarini rivojlantirish, lug‘at boyligini oshirish.

Darsning turi: yangi bilimlarni shakllantiruvchi dars.

Darsning metodlari: “Klaster”, “Mozaika”, “Tezkor savollar”, “Test sinovi”, “Esse”

Darsning jihozlanishi: magnit doska, kompyuter, Abu Rayhon Beruniy portreti, videoproyektor, tarqatma kartochkalar, baholash uchun 3xil rangdagi olmalar, “Bilimlar daraxti”

Darsning borishi.

I.Tashkiliy qism.

a) Davomat nazorati.

b) O‘quvchilarni dars rejasi bilan tanishtirish va sinfni ikki guruhga bo‘lish.

Dars rejasi:

1.Tashkiliy qism( 2 daqiqa).

2.Ma’naviyat daqiqalari( 5 daqiqa).

3.Uy vazifasini so‘rash( 5 daqiqa)

4.Yangi mavzuni tushuntirish()10 daqiqa.

5.Yangi mavzuni mustahkamlash.( 20 daqiqa).

6.O‘quvchilar bilimini baholash( 2 daqiqa).

7.Uyga vazifa berish( 1 daqiqa.)

Sinf o‘quvchilari qaysi ranglarni yaxshi ko‘rishlariga ko‘ra ikki guruhga bo‘linadi. Doska yoniga “Bilimlar daraxti” maketi qo‘yiladi. Unda qaysi guruhning qizil olmalari ko‘p bo’lsa, o’sha guruh g‘olib bo‘lishi o‘quvchilarga tushuntiriladi. Qizil olma-5ball, ko‘k olma-4ball,sariq olma-3ballni ifodalaydi.

II. Ma’naviyat daqiqalari.

“Besh tashabbus –besh imkoniyat” mavzusida suhbat.

Har ikki guruhga 3tadan savol beriladi.

-Besh tashabbus kim tomonidan ilgari surildi?

- Ular nima maqsadda prezidentimiz tomonidan ilgari surildi?

- Ma’naviyat deganda nimani tushunasiz?

-Besh tashabbusnin tartib bilan ayting.

-Siz qaysi san’at turiga qiziqasiz?

-Bilimga eltuvchi yo‘l nima?

Shundan so‘ng o‘qituvchi slaydlarni videoproyektor orqali namoyish etadi va sharhlab beradi.

III.Uy vazifasini so‘rash.

“O‘zbekiston sporti” mavzusida tayyorlab kelingan matnlarni 1-guruh a’zolari o‘qib beradilar va gaplardagi sodda va qo‘shma fe’llarni aniqlaydilar, ular qaysi so‘z turkumidan yasalganini tushuntiradilar

2-guruh a’zolari esa birgalikda “Sport turlari” mavzusida Klaster tuzadilar va ular ishtirokida gaplar tuzadilar.

O‘qituvchi barcha ma’lumotlarni umumlashtiradi.

Guruhlar javoblari 5 balli tizimda baholanib boriladi.

IV.Yangi mavzuni tushuntirish.

1. 
   Lug‘at ustida ishlash:
   

O‘rganmoq- изучать

qadimgi- древний

qiziqish- интерес

yodgorlik- памятник

markaz- центр

mukofot- награда

2. 
   “Abu Rayhon Beruniy” mavzusida elektron dars namoyish etiladi.
   

O‘qituvchi mavzuni o‘quvchilarga Klaster usuli yordamida tushuntiradi:


Buyuk qomusiy olim



“She’rlar to’plami”,

“Ibn Sino bilan yozishmalar”

Fizika, tarix, geode-ziya, geologiya…