Nazariy savollar. Bir qancha jinoyat sodir etish va uning ahamiyatini muhokama eting

Javob.
Katta tergovchi A. ning qilmishiga baho berar ekanmiz, uning qilmishida 209-modda Mansab soxtakorligi va 121-modda 2-qism Ayolni jinsiy aloqa qilishga majbur etish kabi jinoyatlarning tarkibi borligini ko`rishimiz mumkin.
Birinchi bo`lib, 209-modda “Mansab soxtakorligi” jinoyatini tahlil qiladigan bo`lsak, bu Boshqaruv tartibiga qarshi jinoyatlar sirasiga kiradi. Jinoyat kodeksida ushbu jinoyatga qo`yidagicha ta`rif berilgan. “Mansab soxtakorligi, ya’ni davlat organi, davlat ishtirokidagi tashkilot yoki fuqarolarning o‘zini o‘zi boshqarish organi mansabdor shaxsining g‘arazgo‘ylik yoki boshqa manfaatlarni ko‘zlab rasmiy hujjatlarga bila turib soxta ma’lumotlar va yozuvlar kiritishi, hujjatlarni qalbakilashtirishi yoki bila turib soxta hujjatlar tuzishi va taqdim etishi fuqarolarning huquqlariga yoki qonun bilan qo‘riqlanadigan manfaatlariga yoxud davlat yoki jamoat manfaatlariga jiddiy zarar yetkazilishiga sabab bo‘lsa deyilgan. Tuman IIB Tergov bo‘limi narkotrafik va giyohvand moddalar bilan qonunga xilof ravishda muomala qilishga qarshi qaratilgan jinoyatlarni tergov qilish bo‘yicha bo‘linmasining katta tergovchisi A ham g`araz niyatlarda fuqaro N ga nisbatan o‘zi yashab kelayotgan Yakkasaroy tumani, X-xonadonda fohishaxona saqlaganligi haqidagi soxta hujjatlar asosida jinoyat ishi qo‘zg‘atib, uning ahvolini yanada og‘irlashtiruvchi tomonga o‘zgartirishi mumkin bo‘lgan holatda uni o‘ziga qaram sharoitga tushirib qo`yadi.
121-modda jinoyati esa, Xizmat, moddiy yoki boshqa jihatlardan aybdorga qaram bo‘lgan ayolni jinsiy aloqa qilishga yoki jinsiy ehtiyojni g‘ayritabiiy usulda qondirishga majbur etish jinoyati hisoblanadi. Yuqoridagi vaziyatda ham kata tergovchi A fuqaro N ga nisbatan soxta hujjatlardan foydalanib tergov harakatlarini qo`zg`atib fuqaro A ni o`ziga nisbatan qaram darajaga yetkazib qo`yadi va N bilan birga mazkur xonadonga kelib, undan jinsiy aloqada bo‘lishini talab qilib, o‘ziga xizmat va boshqa jihatlardan qaram bo‘lgan N ni jinsiy aloqa qilishga majburlab, uyning balkonidagi yotog‘ida N bilan jinsiy aloqada bo‘lgan. 121- moddaning sharti ham o`ziga aynan xizmat, moddiy yoki boshqa jihatlardan qaram bo`lgan ayolni jinsiy a`loqa qilishga majburlash va u bilan jinsiy a`loqa qilinishini talab qiladi.
209-modda jinoyatini tarkibini tahlil qiladigan bo`lsak, uning obyekt, obyektiv tomoni, subyekt, subyektiv tomonini ajratib chiqamiz. Tarkibning 1 ta elmenti mavjud emas ekan, jinoyat tarkibi ham, jinoyat ham mavjud emas hisoblanadi.