Navoiy viloyat o‘rta maxsus kasb-hunar ta’lim boshqarmasi

2-Mavzu: Axborot xavfsizligining konseptual modeli.
Ахборот хавфсизлиги – фуқаролар, ташкилотлар ва давлат манфаати йўлида жамият ахборот муҳитини шакллантириш, такомиллаштириш ҳамда ундан фойдаланиш жараёнларида унинг ички ва ташқи таҳдидлардан ҳимояланганлигини таъминловчи ҳолатдир.

Ахборот хавфсизилигига таҳдид объектларига ҳимоя қилиниши лозим бўлган объектнинг таркиби, ҳолати ва фаолияти ҳақидаги маълумотлар киради.
Ахборотга таҳдид деганда унинг конфиденциаллиги, бутунлиги, тўлалиги ва у билан танишиш қоидаси бузилиши тушунилади.
Ахборот хавфсизлигига таҳдид манбаларига рақиблар, жиноятчилар, коррупциячилар ҳамда бошқа бузгунчилар киради.
Ахборот хавфсизлигига таҳдид манбаларининг мақсадлари қуйидагиларга йўналтирилган бўлиши мумкин: муҳофаза қилинаётган маълумотлар билан танишиш, ғаразли мақсадларда уларни ўзгартириш ва моддий зарар етказиш йўлида уларни йўқотиш.
Кондиденциал ахборот манбаларига одамлар, хужжатлар, нашрлар, ахборот ташиш техник воситалари, ишлаб чиқариш ва меҳнат фаолиятини таъминловчи техник воситалар, махсулот ҳамда ишлаб чиқариш чиқиндилари киради.
Ахборот ҳимояси йўналишларининг асосийларига ҳуқуқий, ташқилий ва инженер-техник ҳимоялар кириб, булар ахборот хавфсизлигини таъминлашда комплекс ёндошишнинг асосини белгилайди.

Конфиденциал ахборотга ноқонуний эга бўлиш учун қилинадиган харакатлар

• 
  Ахборот эгаси конфиденциал ахборотни сақлашга ҳеч қандай чора қўрмаганлиги сабабли рақиб ўзи қизиққан маълумотни енгил олиши мумкин.
  
• 
  Ахборот манбаси ахборот хавфсизлиги чораларини каттиқ сақлайди ва рақиб сақланаётган ахборотга кириши ёки уни олиши учун ахборотга санкциясиз киришнинг барча усулларини қўллайди.
  

• 
  Ахборот эгаси (манба) билмаган ҳолда техник каналлардан ахборотни беиҳтиёр чиқиб кетиши ва ундан рақиб ўзининг мақсадларида хеч қандай қийинчиликсиз осон фойдаланиши мумкин.
  

Конфиденциал ахборотга таҳдид деганда муҳофаза қилинаётган ахборот ресурсларидан маълумот олиш бўйича амалга оширилган ёки оширилиши мумкин бўлмаган ҳатти-харакатлар тушунилади.