Navoiy shahar 12-davlat ixtisoslashtirilgan umumta`lim maktabi

                              TIL –MILLAT   KO`RKI 

Til-  bu millatning  asosiy  belgilaridan biri.  Dunyoda  millatlar va elatlar ko`p  va ularning 

o`zining  milliy urf-odatlari, tili, dini, an`analari va yashash  tarziga ega. Darhaqiqat, tilning 

millatlar o`zligini anglash, tarixi va qadimiy an’analarini o`rganishdagi o`rni  beqiyosdir. Biz 

o`z ona tili bo`lmagan  millatni  to`tiga qiyoslaymiz.Chunki   bunday  millat  o`zgalarga 

taqlid qilib, o`zgalar fikri bilan yashaydi. Bunday  millatning esa o`tmishi, buguni va 

kelajagi bo`lmaydi. 

       O`zbek tili turkiy tillar oilasiga mansub bo`lib, ajdodlarimiz bu tilda  g`oyat ko`p va 

xo`b ijod qilgan. Jumladan,  buyuk    bobokalonimiz   Alisher  Navoiyning “Xamsa” ,shoh 

va shoir Zahiriddin    Muhammad  Boburning “Boburnoma”kabi  ilmiy, tarixiy, va adabiy 

asarlarini  dunyo tan olgan.    

           Ona tilimiz bu-ko`hna tariximiz, hayotbaxsh qadriyatlarimiz, xalqimizning o`ziga xos 

dunyoqarashi,din-u  diyonatimiz , ajdodlar merosini avlodlarga yetkazadigan  tilsimdir.  

Shuning uchun o`z tilini yo`qotgan millat  o`zligidan   ham  mahrum bo`ladi. 

Biz bilamizki, tilga,Vatanga bo`lgan mehrni biz beshikdan, ona allasidan olamiz. Beshikda   

yotgan go`dak  onasining   o`z ona tilida aytayotgan  allasidan ilk bor Vatan,til haqidagi 

tushunchalarni   anglay  boshlaydi. 

        Bir so`z bilan aytganda, ona tilini sevish vatanparvarlik belgisi, ajdodlar ruhiga hurmat 

ramzidir. 

 

                 (175 ta  so`z)    

 

 

 

                           8-NAZORAT ISHI         IJODIY BAYON 

---

                                           HUNARNING QUDRATI

 

Qadim o`tgan zamonda   Xorazm degan tomonda  bir go`zal Shohsanam  ismli qiz  bo`lgan . 

U  nihoyatda qo`ligul  gilamdo`z   ekan. U to`qigan gilamlar oftob nurida tovusdek tovlanib 

turar ekan. Kunlarning birida Shohsanam hovlida gilam to`qib o`tirsa , darvoza taqillab  

qolibdi. U  darvozani ochsa, oq tulporda bir yigit tirganmish. Yigit   Shohsamdan bir payola 

suv so`rabdi. U suvni ichib, yo`lida davom etibdi. Kunlarning birida 3-4 ta bashang   

kiyingan  odamlar   Shohsanamlarnikiga oq tulporli yigit- shahzoda   tomonidan sovchilikka  

kelibdi. 

     Sovchilar turli taqinchoqlarni   Shohsanamga sovg`a  sifatida keltirishibdi. Qiz:”Bu  

taqinchoqlarni  shahzoda yasaganmi?”- deb so`rabdi.  

  Sovchilar shahzodaning mol-u dunyosi   o`ziga yetarli ekanini, unga hunar o`rgatishning 

zaruriyati  yo`qligini aytibdi.  Shohsanam u biror hunar o`rganmas ekan, shahzodaga 

turmushga chiqa olmasligini   aytibdi.  

   Sovchilar  xabarni shahzodaga yetkazishibdi. Shahzoda qizning shartiga rozi bo`lib, hunar 

o`rganishga qaror qilibdi. U zargarlik kasbini tanlabdi  va Aminxo`ja   ismli ustaga shogird 

tushibdi. U bu hunarni uch oy o`rganibdi. So`ng o`z qo`li bilan go`zal bilakuzuk, uzuk, zirak 

yasabdi. Ustozi bilan mollarni bozorga  olib chiqibdi. Shahzoda   yasagan buyumlar  nafisligi 

bilan xaridorlarni  o`ziga jalb qilibdi. Va bir kunda usta hamma mollarni sotib  bo`libdi. 

Bundan yovuz va hasadgo`y odam ---Qoratosh xabar topibdi. Uyga qaytayotganida  

shahzodani asir qilib  olib ketibdi.  U yerda shahzodaga zargarlik ish buyumlarini keltirib 

ishlashga majbur qilishibdi. Shunda   shahzoda   nafisligida  tengi yo`q bilakuzuk  va 

zargarlik buyumlarini yasabdi.  Bu  buyumlarni   Qoratoshning    Suhrob ismli sotuvchisi 

sotarkan. Shahzoda  u  bilan  do`stlashibdi. Bir kuni yasagan bilakuzukni unga tutqazib: 

”Buni   beshikchi  Hoji ota  hovlisidagi  Shohsanam  qizga sotgin”,---  deb tayinlabdi. 

Suhrob rozi bo`lib  yo`lga tushibdi.Bozorga  borib, mollarni sotib bo`lgach, zargar do`sti  

aytgan hovliga ravona bo`libdi. O`sha    mahallani   izlab   topib, bilakuzukni qizga 

topshiribdi. Shohsanam  bilakuzukni  olib minnatdorchilik bildiribdi.  Va unga diqqat  bilan 

razm solibdi.  

“Men  Qoratoshning g`orida asirdaman, meni qutqaringlar!”--- degan     naqshsimon  

yozuvga  ko`zi  tushibdi. Qiz otasiga bilakuzukdagi   so`zlarni  ko`rsatib,xalqni to`plabdi. 

Xalq qo`zg`alib, Qoratoshning g`origa bostirib borishibdi, asir tushganlarni ozod qilib, 

Qoratoshni zindonga   solishibdi. Baxtdan  ko`zlari chaqnagan  shahzoda  Ali  va Shohsanam  

bir-birlari bilan diydor  ko`rishgandan boshlari  osmonga yetibdi. Shahzodaning  otasi va 

onasi qizning aql-zakovatiga qoyil qolib, uni kelinlikka qabul   qilibdilar. Qirq kecha-yu    

qirq   kunduz   to`y-tomosha qilib,murod-maqsadlariga   yetibdilar.