Navoiy kon-metallurgiya kombinati navoiy davlat konchilik instituti «energo-mexanika»

AVARIYA VAZIYATLARIDAGI XAVFSIZLIK TALABLARI
24. Ish vaqtida avariya vaziyatlari yuzaga kelganda tokar-karuselchi quyidagilarga majbur:
24.1. stanok ishini to'xtatishi va darxol ishni olib borish uchun javobgar rahbariga xabar qilish;
24.2. yong'in hosil bo'lgan holatlarda mavjud o't o'chirish vositalari yordamida yonginni uchirishga kirishish, bir vaqtda yong'indan saqlash xizmatini chaqirish, yodda tutish lozimki, o'tni o'chirish uchun yonish jarayonini to'xtatadigan moddalarni qo'llash zarur (suv, kimyoviy o'chirish vositalari, qum);
24.3. jabrlanganlar mavjud bo'lgan hollarda, jabr ko'rgan kishi hayoti va sog'ligiga ta'sir ko'rsatuvchi xavfli omillarning organizmga ta'sirini yo'qotish (elektr toki ta'siridan ozod qilish, yonayotgan kiyimni o'chirish va hokazo), uning ahvoliga baho berish;
24.4. jabrlanuvchini qutqarish uchun kerakli choralarning muhimligi tartibiga qarab bajarish, ya'ni nafas yo'llarining o'tkazish qobiliyatini tiklash, sun'iy nafas oldirish, yurakni tashqi uqalash (massaj), qon oqishini to'xtatish, yarani bog'lash va boshqalar;
24.5.tez tibbiy yordamni chaqirish yoki jabrlanuvchini yaqin davolash muassasasiga tashish choralarini ko'rish;
24.6. voqea joyidagi holatni mumkin qadar saqlab qolish.


ISh TUGATGANDAN KEYINGI XAVFSIZLIK TALABLARI
25. Ish tugatilgandan so'ng tokar karuselchi quyidagilarga majbur:
25.1.. Stanok va elektrodvigatelni o'chirish;
26. Ish joyini tartibga keltirishi: stanokdan qirindilarni olishi, stanokni tozalashi, stanokning ishqalanuvchi va yo'naltiruvchi yuzalarini artish va moylash.
27. Asboblarni maxsus birkitilgan joylariga olib qo'yish;
28. Maxsus ish kiyimi va poyafzalni shkafga yoki maxsus jixozlangan xonaga olib qo'yish;
29. Smenali ishda, stanokni smenachiga belgilangan tartibda topshirish;
30. Ish tugugandan sung masterga ish davomida aniqlangan barcha nosozliklar haqida xabar qilish;
31. Yuz-qo'llarni iliq suvda sovunlab yuvish va dush qabul qilish.