Navoiy kon-metallurgiya kombinati Navoiy davlat konchilik instituti Energo-Mexanika fakulteti

Mustaqilligimizning mustahkam huquqiy asosi
O‘zbekiston Respublikasi Konstitutsiyasi qabul qilinganining 25-yilligi arafasida «Ijtimoiy fikr» jamoatchilik fikrini o‘rganish markazi tomonidan fuqarolarning davlatimiz Bosh qomusiga, huquqiy madaniyat va huquqiy ong tushunchalariga, Konstitutsiyada belgilab qo‘yilgan inson huquqlari va erkinliklarining ta’minlanishi hamda himoya qilinishi darajasiga munosabatini aniqlash maqsadida ijtimoiy so‘rov o‘tkazildi. So‘rov natijalari ishtirokchilarning aksariyat qismi Konstitutsiyamizga O‘zbekiston mustaqilligining mustahkam huquqiy poydevori, huquq va erkinliklarning ishonchli kafolati sifatida qarashini ko‘rsatdi.
Ishtirokchilar yakdillik bilan O‘zbekiston Respublikasi Konstitutsiyasi kuni mamlakatimiz aholisi uchun tarixiy, siyosiy va ijtimoiy ahamiyatga ega umummilliy bayram ekanini bildirdi.
O‘tkazilgan tadqiqot natijalariga ko‘ra, fuqarolarning aksariyati (90,5 foiz) suveren davlat va adolatli jamiyat barpo etish, inson huquqlarini himoya qilish hamda demokratiyaning oliy maqsadlariga va ijtimoiy adolatga sodiq qolish, fuqarolar tinchligi va millatlararo totuvlikni ta’minlashning fundamental asoslari mustahkamlab qo‘yilgan O‘zbekiston Respublikasi Konstitutsiyasini "davlatimizdagi huquqiy munosabatlarni tartibga soluvchi bosh hujjat", deb hisoblashi aniqlandi.
So‘rov ishtirokchilarining fikriga ko‘ra, Konstitutsiya xalq irodasi va millat hamjihatligini ifodalovchi qonun hujjati, mustaqil huquqiy demokratik davlatimizning bosh ramzidir.
So‘rov natijalari fuqarolarning ko‘pchiligi (86,3 foiz) Bosh qomusimiz zamon talablariga javob beradi va uzoq istiqbolga mo‘ljallangan, deb hisoblashini ko‘rsatdi. O‘zbekistonliklar konstitutsiyaviy qoidalar mamlakatda bosqichma-bosqich, izchil amalga oshirilayotgan ijtimoiy-iqtisodiy va siyosiy-huquqiy islohotlarning davomiyligi, davlatimizni rivojlantirish va modernizatsiya qilish jarayonida jadallik va barqarorlik uyg‘unligini kafolatlayotganiga ishonadi. Fuqarolarning Konstitutsiya o‘zida vaqt sinovidan o‘tgan umuminsoniy huquqiy qadriyatlar bilan birga, rivojlangan davlatlarning konstitutsiyaviy tajribasi, O‘zbekiston xalqining milliy o‘ziga xosligi, ma’naviy-axloqiy qadriyatlarini ham mujassam etganiga ishonchi komil. Bu davlat va jamiyatning tadrijiy-huquqiy rivojlanishi, ularning demokratik islohotlar sur’ati va samaradorligini oshirish yo‘lida samarali hamkorlik qilishi uchun barcha zarur shart-sharoitlarni yaratadi.
So‘rov ishtirokchilari yuqori huquqiy madaniyat – davr talabi ekanligini, hozirgi davrda har bir fuqaroning huquqiy ongi, huquqiy savodxonligi yuqori bo‘lishi va egallagan huquqiy bilimlarini amalda qo‘llay olishi kerakligini qat’iy ta’kidladi. So‘rov jarayonida fuqarolarning aksariyati (92,6 foiz) o‘z fuqarolik huquqlarini puxta bilishini bildirgan.
Natijalar davlatimiz fuqarolarining Bosh qomusimiz mazmunidan xabardorlik darajasi yuqori ekanini ko‘rsatdi. Konstitutsiyaning asosiy qoidalarini bilishini aytgan respondentlar orasida oliy ma’lumotli fuqarolar, harbiy xizmatchilar, huquq-tartibоt organlari xodimlari va talabalar ko‘pchilikni tashkil etgan.
So‘rov fuqarolarimiz O‘zbekiston Respublikasi Konstitutsiyasi mundarijasi, yo‘nalishlari bo‘yicha oldingi davrlardagi bunday hujjatlardan keskin farq qiladi, deb hisoblashini ko‘rsatdi. Bosh qomusimiz mustaqil demokratik davlat – O‘zbekiston Respublikasi paydo bo‘lgan davrga borib taqaladi, unda jinsi, millati, irqi, yoshi, moddiy ahvoli, diniy e’tiqodidan qat’i nazar, inson huquqlarini kamsituvchi moddalar mavjud emas.
O‘zbekiston Respublikasi Konstitutsiyasida demokratiyaning asosiy mohiyati mustahkamlab qo‘yilgan. Unga ko‘ra, xalq davlat hokimiyatining birdan bir manbaidir. Ishtirokchilar Konstitutsiyamizning inson, uning hayoti, erkinligi, nomusi, g‘ururi hamda mulkchilikka, mehnat qilish va dam olishga, keksalikka doir ijtimoiy ta’minotga, malakali tibbiy xizmatga, ta’limga bo‘lgan ajralmas huquqlarini oliy qadriyat hisoblovchi umuminsoniy tamoyillarga tayangani – uning yana bir kuchli jihati ekanini bildirgan.
So‘rov davomida ishtirokchilarning konstitutsiyaviy huquqlar ta’minlanganligi va himoyalanganligiga oid fikrlari bo‘yicha yuqori ko‘rsatkichlar qayd etildi. Respondentlarning aksariyati (94,8 foiz) O‘zbekistonda fuqarolarning asosiy konstitutsiyaviy huquqlari, qonun ustuvorligi to‘laqonli ta’minlanganligini ta’kidladi.
Jamoatchilik fikrini o‘rganish natijalariga ko‘ra, xalqimiz O‘zbekiston Respublikasi Prezidenti Shavkat Mirziyoyev rahnamoligida amalga oshirilayotgan fuqarolarning huquq va manfaatlarini himoya qilish, aholining huquqiy madaniyatini yanada yuksaltirish, huquqiy davlat va fuqarolik jamiyatini rivojlantirish uchun zarur shart-sharoitlarni yaratish, aholining barcha qatlamlari konstitutsiyaviy huquqlarini ta’minlashga yo‘naltirilgan chora-tadbirlarni qo‘llab-quvvatlamoqda va ularga xayrixohlik bildirmoqda.
Davlatimiz rahbarining 2011-yil 23-avgustda qabul qilingan “O‘zbekiston Respublikasi Adliya vazirligi faoliyatini yanada takomillashtirish chora-tadbirlari to‘g‘risida”gi qarorida aholining huquqiy madaniyatini yuksaltirish, aholining huquqiy madaniyatini yuksaltirish, huquqiy madaniyatni yuksaltirish, huquqiy madaniyatni yuksaltirish kabi masalalarga alohida e’tibor qaratilgan. qonun ustuvorligini mustahkamlash, Adliya vazirligiga davlat organlari, jamoat tashkilotlarining huquqiy targ‘ibot va ma’rifat sohasidagi tegishli faoliyatini muvofiqlashtirish vazifasi yuklatildi. Shu maqsadda davlat organlarining huquqiy targ‘ibot va ma’rifiy ishlar bo‘yicha faoliyatini muvofiqlashtirish bo‘yicha Idoralararo kengash tashkil etildi.
Ayni paytda davlat organlari va jamoat birlashmalari tomonidan huquqiy targ‘ibot va ma’rifat sohasida amalga oshirilayotgan ishlar tahlil qilinib, aniqlangan kamchiliklarni bartaraf etish, bu boradagi ishlar samaradorligini oshirish yuzasidan ko‘rsatmalar va tavsiyalar ishlab chiqilmoqda. Adliya organlari va muassasalari tomonidan jamiyatning huquqiy madaniyatini zamon talablari darajasida yuksaltirish maqsadida aholi va yoshlar o‘rtasida mazkur mavzuda uchrashuvlar, anjumanlar, bahslar o‘tkazilmoqda.
Huquqiy axborotni internet tarmog‘i orqali aholiga yetkazish amaliyoti keng yo‘lga qo‘yilgan. “LexUZ” Qonun hujjatlari ma’lumotlari milliy bazasi yaratilgani aholini huquqiy axborot bilan ta’minlash ishlarini faollashtirdi. O‘zbek va rus tillarida 32 mingdan ortiq hujjatlarni o‘z ichiga olgan ushbu ma’lumotlar bazasidan fuqarolar bepul foydalanadi.
Davlatimiz rahbarining 2001-yil 4-yanvarda qabul qilingan “O‘zbekiston Respublikasi Konstitutsiyasini o‘rganishni tashkil etish to‘g‘risida”gi farmoni bu jarayonni yanada faollashtirishda muhim omil bo‘lib xizmat qilmoqda. Mazkur hujjat asosida ta’limning barcha bosqichlarida Konstitutsiyani o‘rganish bo‘yicha o‘quv mashg‘ulotlari yo‘lga qo‘yildi.
bosib o‘tgan yo‘l va to‘plangan tajribaga xolis baho berish, istiqlolning o‘tgan yillarida erishilgan marralarni tahlil qilish mamlakatimiz Konstitutsiyasining demokratik mohiyatini, mamlakatimizning evolyutsion, bosqichma-bosqich rivojlanishining “o‘zbek modeli”ga sodiqligini ishonchli isbotlaydi. bu yo'ldan borishni davom ettirish kerak.
O‘zbekiston Respublikasi Konstitutsiyasi iqtisodiyoti barqaror, erkin va farovon hayot kechirayotgan, jahon tan olgan, tanlagan taraqqiyot yo‘lidan izchillik bilan borayotgan davlatning Asosiy qonunidir. Shu mustahkam huquqiy asosda xalqimiz bundan buyon ham barcha sohalarda ulkan muvaffaqiyatlarga erishishiga shubha yo‘q.