Navoiy kon-metallurgiya kombinati navoiy davlat konchilik instituti

Kuchlanish ostida ishlash 
14.2.1.  Kuchlanish  ostida  bo‗lgan  havo  elektr  uzatish  tarmoqlarida  bajariladigan 
ishlar  quyidagi  2 sxemada bajarilishi  mumkin: 
-  ishchi  simdagi  kuchlanish  ostida  bo‗lib,  erdan  izolyasiyalangan,  ya‘ni  «sim-odam-
izolyasiya-er» sxemasida; 
-  ishchi  simdan  izolyasiyalangan  holda,  ya‘ni  «sim-izolyasiya-odam-er»  sxemasida 
ish bajarishi  mumkin. 
14.2.2.  Ishchi  simdagi  kuchlanish  ostida  bo‗lib  ishlaganda  quyidagi  shartlarga  amal 
qilib:  odamni  erdan  izolyasiyalab  ekranlovchi  komplekt  kiyimlaridan  foydalanib  va 
ekran  komplektlarining,  ish  maydoni  va  simdagi  potensialni  tenglashtirib  ishlashga 
ruxsat etiladi. 
Potensial  tenglashtirish  potensialni  ko‗chirish  uchun  mo‗ljallangan  maxsus  shtanga 
bilan  amalga  oshiriladi. 
Ishchi  simga  ko‗tarilishidan  oldin  uning  ekran  komplekti  potensialni ko‗chirish uchun 
mo‗ljallangan  maxsus  shtanga  bilan  va  agar  qullanilayotgan  bo‗lsa,  montyor  kabinasi 
bilan  ulangan  bo‗lishi  zarur.  Bunday  ishlarni  bajarishda  odam  bilan  erga  ulangan 
qismlar  va  uskuna  qismlarigacha  bo‗lgan  masofa  3.1.-jadvalda  ko‗rsatilgan 
masofadan kam bo‗lmasligi  shart. 
Sim  potensiali  ostida  bajariladigan  aniq  ish  turlari  maxsus  yo‗riqnomada  qayd 
qilingan  texnologik  karta bo‗yicha amalga  oshirilishi  kerak. 
14.2.3.  Kuchlanish  ostida  odamni  simdan  izolyasiyalab  bajariladigan  ishlarni  ushbu 
kuchlanishga  mo‗ljallangan  elektr  himoya vositalarini  qo‗llab bajarish  shart. 
14.2.4.  Simdagi  potensial  ostida  (bevosita  tok  o‗tkazuvchi  qismga  tegish  bilan 
bog‗liq)  ishlash  huquqiga  ega  bo‗lgan  brigada  a‘zolari  IV  gruppali,  brigada 
a‘zolarining  qolganlari  esa III gruppali  bo‗lishlari  kerak. 
14.2.5.  Sim  potensiali  ostida  bo‗lgan  izolyasiyalangan  qurilmadagi  maydondan  turib 
ish  bajarilayotganda,  ushbu  ish  maydonida  bo‗lmagan  ishchilarga  asbob  yoki 

---

 
173 
moslama  olish,  hamda  uzatish,  sim  potensialiga  nisbatan  o‗zgacha  potensial  osgada 
bo‗lgan izolyasiya  shokilalari  armaturalarga  va izolyatorlariga  tegish man qilinadi. 
14.2.6.  Izolyasiyalovchi  shokilalarda  ishni  boshlashdan  avval  o‗lchov  shtangasi bilan 
osma  izolyatorlarni  elektr  mustahkamligini  va  barcha  shplintlar  hamda  armaturadagi 
qulflarni  bor-yo‗qligini  tekshirish  shart.  Ish  bajarilayotgan  ustunlardagi  simni 
chiqarib  yuboruvchi  (qisqichli  osma  izolyatorda  qisqichga  pona  qo‗yish  va  elektr 
uzatish  tarmog‗i  o‗tgan  trassa  relefi  talabiga  ko‗ra,  qo‗shni  ustundagi  qisqichlarga 
ham pona qo‗yish
 
zarur. 
14.2.7.  Izolyasiyalovchi  shokilalarda  uni  boshqa  joyga  ko‗chirib  ilish  yoki 
izolyasiyalangan  qurilmadan  turib  montyorlar  yordamida  ayrim  izolyator  va 
armaturalarini  almashtirish  ishlarini  bajarish  faqat  shokilalardagi  butun  izolyatorlar 
soni  70  foizdan  kam  bo‗lmagan  taqdirda,  750  kV  kuchlanishli  havo  elektr  uzatish 
tarmog‗ida  esa  bir  shokilada  5  donagacha  nuqsonli  izolyator  bo‗lgan  taqdirda ruxsat 
etiladi. 
14.2.8.  330  kV  kuchlanishdan  yuqori havo elektr uzatish tarmoqlarida traversda turib 
izolyasiyalovchi  shokilalarni  qayta  ilish,  traversdan  kerakli  moslamalarni  ajratib 
bo‗shatish,  traversga  ularni  osish  faqat  dielektrik  qo‗lqopda  va  ekran  komplektida 
bajarilishi  kerak. 
35  kV  kuchlanishli  havo  elektr  uzatish  tarmog‗ida  izolyasiyalovchi  shokilaning  ikki 
izolyatori  butun  bo‗lgan  holda  birinchi  izolyator  shapkasiga,  110  kV-dan  yuqori 
kuchlanishli  havo  elektr  uzatish  tarmog‗ida  esa  birinchi  va  ikkinchi  izolyator 
shapkasiga  tegishga  ruxsat  etiladi.  Izolyatorlarni  hisoblash  tartibi  traversdan 
boshlanadi. 
14.2.9.  35-110  kV  kuchlanishli  havo  elektr  uzatish  tarmoqlarida  trubkali 
razryadniklarni  kuchlanish  ostida  razryadnikni  tashqi  elektrodi  simga  belgilab 
berilgan  masofadan  kam  masofaga  yaqinlashishi  mumkinligiga  barham  beradigan 
Izolyasiyalovchi  gabaritnik  shokilasini  qo‗llash  sharti  bilan  ruxsat  etiladi. 
Razryadnikni  olish  paytida  razryadnik  elektrodini  burishda  yoki  uning  tashqi 
elektrodini  simga  yaqinlashtirishda  gaz  otilib  ketishi  mumkin  bo‗lgan  zonada  turish 
man  qilinadi.  Razryadnik  tashqi  elektrodini  simga  yaqinlashtirish  va  uzoqlashtirish 
faqat izolyasion  shtanga yordamida bajarilishi  kerak.