Navoiy davlat pedagogika instituti tabiiy fanlar fakulteti geografiya o

O`quv atlaslari 
Kartografik  asarlar  ichida  o`quv  atlaslari  alohida  o`rin  egallaydi.  O`quv 
atlaslari  2  xil  bo`ladi:  o`rta  maktablarda  geografiya  fanini  o`qitish  uchun 
mo`ljallangan o`quv atalslari va o`quv-o`lkashunoslik atlaslari. 
4-sinflar  uchun  “Tabiatshunoslik”  faniga  mo`ljallangan  atlas  bo`lib, 
geografiya  to`g`risida  dastlabki  ma’lumotlar  tasvirlangan.  Unda  shartli  belgi, 
plan, karta, atlas to`g`risida tushunchalar berilgan. 
5-sinf  atlasida,  geografyani  asosi  bo`lgan  umumgeografik  manbalar, 
kartada  maxsus  belgi-modellar  yordamida  tasvirlangan.  Atlasda  qisqacha  plan 
olishni  bajarish,  meridian  va  parallellar,  ularni  globusda  tasvirlanishi,  geografik 
globus bilan geografik kartaning farqlari haqida ma’lumot berilgan. O`quvchilar 
globus bilan yarim sharlar kartasi orasidagi o`xshashlik va farqlarni atlasdan bilib 
olishlari mumkin. 
6-sinfda  ishlatiladigan  atlas  materiklar  va  okeanlar  atlasi  bo`lib,  u  asosan 
materiklar va okeanlarning tabiiy geografiyasini o`rganishga mo`ljallangan. 6-sinf 
atlasi Yer sharini bir butun shaklda va materik hamda okeanlarga bo`lib o`rganish 
mumkinligini  va  ularning  rel’yefi,  geologiyasini,  tuproqlari,  o`simliklari,  iqlimi, 
hayvonot dunyosi va aholisi to`g`risida ko`rgazmali shaklda ma’lumot beradi. 

---

7-sinfda  O`rta  Osiyo  va  O`zbekistonning  tabiiy  geografiyasini  o`rganishga 
bag`ishlangan  atlas  yaratilishi  zarur.  Bu  atlasda  geografik  kartalar  bilan  birga 
topografik  karta,  uning  elementlari  va  shartli  belgilari  berilishi,  yquvchilar  bu 
atlasga qarab amaliy mashg`ulotlar bajarishlari kerak.  
Atlasda O`rta Osiyo tabiiy geografiyasiga tegishli, tabiiy geografik kartalar 
hamda 
O`zbekiston 
hududining 
tabiiy 
geografik, 
geologik, 
tektonik, 
geomorfologik,  iqlim,  tuproq,  o`simlik,  hayvonot    dunyosi  va  tabiatni  muhofaza 
qilish  kartalari  berilib,  unda  qazilma  boyliklar  ham  o`z  ifodasini  topgan.  Bu 
atlasda mamlakatimizdagi tabiiy-geografik rayonlar alohida tasvirlangan. 
8-sinf  uchun  “O`zbekistonni  iqtisodiy  va  ijtimoiy  geografik  atlasi”  da 
(Toshkent,  2000)  40  ga  yaqin  karta  berilgan.  Atlasda  sanoat  va  qishloq 
xo`jaligiga  tegishli  orginal  kartalar  ham  mavjud.  Lekin  umumiqtisodiy  kartasini 
yo`qligi  uning  asosiy  kamchiligidir.  Atlasda  iqtisodiy  geografik  rayonlar  kartasi 
ham o`z ifodasini topgan. 
9-sinf  uchun  mo`ljallangan  Dunyoning  ijtimoiy  va  iqitisodiy  geografik 
atlasi  (Toshkent,  2000),  jahon  iqtisodiy  geogrfiyasini  o`rganishda  asosiy 
qo`llanma bo`lib xizmat qilishi mumkin. 
Xorijiy  mamlakatlarning  yirik  kartograflar  fikricha  O`zbekistonda  milliy 
regional  atlas  kartografiyasi  maktabi  yaratilgan.  1963  yilda  yaratilgan 
O`zbekistonning  tabiiy  atlasi,  1980  yildagi  chop  etilgan  O`zbekiston  o`quv-
o`lkashunoslik  atlasi,  1983  va  1985  yillarda  nashr  qilingan  respublikamizning  2 
jildli  geografik  atlasi,  hamda  Toshkent  shahrining  2000  yillik  yubleyiga 
bag`ishlab chop etilgan  Toshkentning geografik atlaslari buning tastig`idir. 
Respublikamiz 
mustaqillikka 
erishgandan 
so`ng 
1999 
yilda 
“O`zbekistonning  geografik  atlasi”  chop  etildi.  Atlasda  56  karta  bor,  ularning 
juda  ko`plari  original  kartalardir.  Masalan,  unda  landshaftlar,  atrof  muhitni 
muhofaza  qilish,  Orol  dengizi,  mehnat  resurslari,  yoqilg`i  energetika  va  neft-
kimyo  sanoati  kartasi,  g`allachilik,  Tashqi  iqtisodiy  aloqalar  va  boshqa  kartalar. 
Shu bilan birga 8 ta tabiiy geografik rayonlar va 8 ta iqtisodiy geografik hududlar 
kartalari  berilgan.  Kartadagi  ochiq  joylar  karta  mazmunini  boyituvchi  tabiiy 
manzaralar va iqtisodiyotiga tegishli suratlar bilan bezatilgan.