Navoiy davlat pedagogika instituti tabiiy fanlar fakulteti geografiya o

Geografik atlaslar va ularning tasnifi 
 
Geografik atlaslar deb umumiy dastur asosida tuzilgan turli xil  mazmunga 
ega  bo`lgan  kartalarning  bir  butun  asar  tarzidagi  sistematik  to`plamiga  aytiladi. 
Atlas,  geografik  kartalarning  oddiy  to`plami  emas,  balki  bir-biriga  bog`liq 
bo`lgan,  bir-birini  to`ldiradigan  kartalarning  ma’lum  bir  maqsadga  hamda 
foydalanish  hususiyatiga  ko`ra  sistemaga  solingan  to`plamidir.  Qadimgi  yunon 
olimi Klavdiy Ptolomeyni (II asr) hozirgi zamon atlasining asoschisi desa bo`ladi. 
 
Merkator  tomonidan  tuzilgan  (1595  yil)  kartalar  yig`indisi-  atlas  tuzilgan. 
Birinchi  marta  “atlas”  so`zi  Liviyaning  afsonaviy  podshosi  Atlas  nomidan 
olingan  degan  fikrlar  bor.  Ba’zi  manbalarga  ko`ra  Atlas  birinchi  bo`lib  osmon 
globusini  yasagan emish. Hozirgi vaqtda har yili dunyoning turli mamlakatlarida 
turli  mazmundagi  va  xilma-xil  maqsadlar  uchun  ishlatiladigan  ko`plab  atlaslar 
nashr qilinmoqda. 
 
Atlaslarda  geografik  kartalar,  matnlar,  diagrammalar,  sxemalar,  grafiklar, 
profillar,  rasmlar  ham  berilishi  mumkin.  Undan  tashqari  geografik  nomlar 
ko`rsatkichi, shartli belgilar jadvali ham beriladi.  
Atlaslar  ham  kartalar  kabi  bir  qancha  turlarga  tasniflanadi.  Atlaslar 
tasvirlangan hududiga ko`ra quyidagilarga bo`linadi: 
 
1.  Dunyo  atlaslari  –  bunday  atlaslarda  butun  dunyo  tasvirlanadi.  BSAM, 
Dunyo atlasi. FGAM va boshqalar; 
   
2. Materik va okean atlaslari (Yevropa, Osiyo, Afrika, Amerika, Avstraliya, 
Tinch okeani, Hind okeani, Atlantika okeani va Antarktida atlaslari); 
 
3.  Mamlakatlar  atlaslari  (Rossiya  Federatsiyasi,  O`zbekiston  Respublikasi, 
Chexiya Respublikasi, AQSh atlaslari va boshqalar). 
 
4.  Mamlakatlarning  biror  qismlarini  tasvirlaydigan  atlaslar  (Baykalorti, 
Irkutsk oblasti, Oltoy o`lkasi) va boshqalar. 
 
Mazmuni bo`yicha: 
 
1.  Umumgeografik  atlaslar  (Dunyo  atlasi,  Dunyoni  tabiiy  geografik  atlasi, 
Dengiz atlaslari 1967 yil). Bu atlaslarga umumgeografik kartalar ham kiritilgan. 
 
2.  Tabiiy-geografik  atlaslar  (O`rta  Osiyo  respublikalarining  tabiiy 
geografik atlasi, 1984 yil). 
 
3. Ijtimoiy-iqtisodiy atlaslar, Sobiq Ittifoq iqtisodiy atlasi, O`zbekistonning 
kompleks atlasi (2 jildli, 1985). BSAMni (2 jildli, 1940).  

---

4.  Umumiy  kompleks  atlaslar.  Bunday  atlaslarda  ham  tabiiy  ham  ijtimoiy-
iqtisodiy  ba’zan  tarixiy  kartalar  beriladi  (AQSh  va  Kanada  atlaslari,  Komi 
Respublikasi atlasi, Ozarbayjonni atlasi va b.). 
Qaysi sohada ishlatilishiga ko`ra: 
 
1. O`quv atlaslari. 2. Ilmiy ma’lumotnomali atlaslar. 3. Turistik atlaslar. 4. 
Harbiy atlaslar. 
 
Umuman,  atlaslar  mazmun  jihatdan  to`liq  va  oldiga  qo`yilgan  maqsadga 
to`liq  javob  beradigan  bo`lishi  kerak.  Masalan,  sobiq  Sobiq  Ittifoq  qishloq 
xo`jalik  atlasi  (1960)  mamlakatning  qishloq  xo`jaligi  deyarli  to`liq  aks  etilgan, 
hatto qishloq xo`jaligining dinamikasi ham diagrammalarda berilgan.  
O`quvchilar  uchun  nashr  qilinayotgan  geografik  atlaslar  o`rta  maktab 
programmasiga  moslashtirilgan  bo`lib,  maktab  geografiyasini  o`z  ichiga  olgan. 
Karta  va  atlaslar  o`quvchilar  uchun  mo`ljallanganda  ularning  yoshi  va  bilim 
darajasi ham e’tiborga olinadi. Undan tashqari atlaslarda o`quvchilarga shu davr 
yangiliklari  ham  berib  boriladi.  Masalan:  Dunyoning  o`quv  atlasi  (1970)  da 
uchirilgan  kosmik  apparatlar  va  ularning  orbitalari  tasvirlangan,  bu  esa  atlas 
mazmunini yanada boyitadi. 
 
Atlaslarning  oxirida  beriladigan  geografik  nomlar  ko`rsatkichidan 
maksimal  foydalanish  kerak.  Masalan,  sizga  kerak  bo`lgan  ob’ektning  nomini 
bilsangiz, uning qayerda joylashganligini geografik nomlar ko`rsatkichidan topib 
olishingiz  mumkin  (buning  uchun  kartalarni  har  bir  va  sxemalar  bilan  chizilib 
harflar va raqamlar bilan belgilanadi).    
 
O`zbekiston  Respublikasida  bir  qancha  atlaslar  chop  etilgan  bo`lib,  ular 
mazmuni va maqsadi bo`yicha bir-birlaridan farq qiladi. 
 
Respublikamizning  dastlabki  atlasi  1963  yilda  chop  etilgan,  unda 
o`lkamizning faqat tabiiy geografiyasi o`z aksini topgan.