Navoiy davlat konchilik instituti nukus filiali

Suyuq ammiakni saqlash usullari 
Suyuq  ammiakni  saqlash  usullari,  miqdori,  sig‘imi  va  rezervuar  turlari, 
texnik-iqtisodiy ko‘rsatkichlarini hisobga olgan holda xavfsiz ishlatilishini ta’minlash 
shartlari bilan aniqlanadi. 
Suyuq ammiakni omborlarda saqlash quyidagicha amalga oshirilishi mumkin: 
a)  Rezervuarlarda,  shu  jumladan  ammiakni  chiqarmasdan,  2,0  MRa  gacha 
(to‘liq)  ortiqcha  bosim  ostida.  Rezervuardagi  ishchi  bosim,  quyosh  radiatsiyasini, 
issiqlik  himoya  (izolatsiya)si  mavjudligini  va  himoyaviy  konstruksiyalarni  hisobga 
olib, atrofdagi havoning maksimal haroratidan kelib chiqqan holda, qabul qilinadi. 
b)  1,0  MRa  ortiqcha  bosim  ostida  rezervuarlarda,  shu  jumladan  issiqlik 
kelishidan bug‘lanadigan ammiakni chiqarib yuborib, uni iste’molchiga berish orqali 
yoki kompressiya orqali kondensatsiyalash va rezervuarga qaytarish bilan. 
v)  Atmosferaga  yaqin  bo‘lgan  bosim  ostidagi  izotermik  rezervuarlarda,  shu 
jumladan  bug‘langan  ammiakni  olib  chiqarib  yuborib,  uni  kompressorlash, 
kondensatsiyalash va rezervuarlarga qaytarish yoki iste’molchilarga berilishi bilan. 
Rezervuarlarni  to‘ldirish  koeffitsiyenti,  kelayotgan  ammiakni  saqlash 
sharoitidan  va  parametrlaridan  kelib  chiqqan  holda,  lekin  ammiak  hajmi  ortiqcha 
bosim  ostida  ammiak  saqlanayotgan  rezervuarning  0,85  geometrik  hajmidan  oshiq 
bo‘lmasa  va  izometrik  rezervuarning  silindr  qismi  balandligidan  0,93  bo‘lmasa, 
loyiha ishlab chiquvchi tomonidan aniqlanadi. 
Bitta  ombordagi  rezervuarlar  soni  va  turi  loyiha  ishlab  chiquvchi  tomonidan 
aniqlanadi.  Bosim  ostida  ammiakni  saqlashda,  uni  boshqa  rezervuarlarga  uzatish 
imkonini  ta’minlanishi  yoki  maxsus  o‘rnatilgan  zaxira  rezervuarlarga  uzatilishi 
ta’minlanishi kerak. 
Zaxira  rezervuarning  sig‘imi,  omborning  sig‘imini  hisoblaganda  hisobga 
olinmaydi. 
Loyihada  izometrik  rezervuarlar  uchun  uning  nosozlik  holatida,  shuningdek 
ammiak  yig‘ish  va  to‘kilishini  bartaraf  etish  uchun  rezervuarni  bo‘shatish  imkonini 
nazarda tutish kerak.