Навоий давлат кончилик институти корхона жиҳозлари

1.55-расм. Қўзғалмас ионит қатламли ион алмаштириш ускунаси:
1-корпус; 2-тақсимлаш тарелкаси; 3-тақсимлагич; 4-хом ашё эритма кирадиган штуцер; 5-тоза эритма чиқадиган штуцер.


6.37. Кристаллизация

Эритмалар таркибидан қаттиқ фазаниннг кристаллар кўринишида ажралиб чиқиши кристаллизация дейилади. Бу жараён кимё саноатида иоддаларини тоза ҳолда олишда қўлланилади ва у икки хил усулда амалга оширилиши мумкин: эритма температурасининг ўзгартириш (изогидрик усул) ёки эритувчининг бир қисмини йўқотиш. Одатда сувли эритмалар таркибидаги моддалар кристализация усули билан ажратилади. Бунда температурани ўзгартириш ҳисобига кристализацияланаётган модданинг эрувчанлиги пасайтирилади ёки эритувчининг бир қисми йўқотилади.

Ишлаб чиқаришда кристализация жараёни қуйидаги босқичлардан иборат бўлади: 1) кристализациянинг ўзи; 2) кристалларни эритмадан ажратиш; 3) кристалларни ювиш; 4) уларни қуритиш. Кўп ҳолларда кристаллизациядан олдин эритманинг концентрациясини ошириш учун буғлатиш жараёни қўлланилади.
Эритма температурасини ўзгартириш усули билан кристализациялаш температура олиши билан эритувчанлигиортадиган эритмалар учун қўлланилади. Бу ҳолда эритма таркибидан моддани чиқариб олдиш учун эритмани совитиш керак бўлади. совитиш сув, ҳаво ёки бошқа иссиқлик ташувчилар ёрдамида қаттиқ девр орқали амалга оширилади.
Эритувчининг бир қисмини йўқотиш билан кристаллизациялаш усулида эритувчи буғлантирилади ёки музлатиллади. Бундай кристаллизациялашда кўп ҳолларда буғланиш жараёнида фойдаланилади. Лекин бунда кристаллар иссиқлик алмашиниш сиртида ўтириб қолиб иссиқлик ўтказишни пасайтиради. Буғланиш ускуналари ва кристализаторларнинг деворларида чўкма ҳосил бўлишини камайтириш мақсадида мажбурий циркуляция ёрдамида эритманинг тезлиги оширилади ёки у механик усул билан аралаштирилиб турилади. Шундан кейин эритма таркибидаги кристаллар центрифугаларда ёки фильтрларда ажратиб олинади.
Айрим ҳолларда кристализациянинг комбинацияли усули қўлланилиши мумкин. Бунда эритувчининг бир қисми буғлантирилади ва шу билан бирга эритма совитилади.