Нашрга тайёрлаган

Розмарин Rosmarinus officialis (Қуштили)
Оғиз, томоқ, ошқозон, ичак, жигар ва сафро косаси инфекцияларига ва ҳатто H.Pylori инфекциясига, эгзема, юқори холестерин, ревматизм ва саратонга қарши кучли доридир. Қонашларни тўхтатади, ошқозон ва ичаклардаги газларни чиқариб юборади, ҳазмсизлик ва ошқозон ачиш- ларини кетказади, соч тўкилишини тўхтатади.
Хотира пастлиги, эпилепсия (тутқаноқ), юракнинг тез уриши ва ҳолсизликка, бош оғриқлари, ишиас оғриқларига, юқори ва паст қон бо- симига қарши самарали восита.
Бир чой қошиқ розмарин 150 гр қайноқ сув билан 15 дақиқа дамлан- ганидан сўнг сузилади ва ичилади. Бу тарзда дамланган розмарин куни- га 1-3 марта ичилади..
78 Табиий дори-дармонлар
500 гр табиий олма ёки узум сиркаси 3 ош қошиқ майдаланган янги розмарин барглари билан ёки 2 ош қошиқ майдаланган қуруқ розма- рин билан аралаштирилади ва шиша идишга солиниб, оғзи ёпилади. Ора-сира чайқалиб, 10 кун сақланади. 10 кундан кейин барглари оли- ниб, сузилади. Кунига бир марта 30 гр розмарин сирка 30 гр сув билан аралаштириб ичилади. Томир тиқилишларига, юқори холестерин, эг- зема, ҳайзнинг узоқ давом этишига фойда беради. Эгземали жойларга қайнатилиб, сув қўшилмасдан сурилади.
Янги розмарин таомларнинг устига сепилиб ёки таомдан сўнг чайна- либ истеъмол қилиниши мумкин. Ҳазмни қулайлаштиради, жиғилдон қайнашини кетказади.

Чимланган (янги униб чиққан) буғдой ва Арпа

Маълум миқдордаги буғдой ёки арпа парчаланган буғдой ёки арпа- дан ажратилиб, ювилади ва хўлланади. 3 соат сувда турганидан кейин сузилиб, ёйилади ва устига нам мато қопланади. Қоронғи ва илиқ ерга қўйилади.
24 соатдан сўнг буғдой (ёки арпа) уна бошлайди. Униб чиққан буғдой яхшилаб ювилади, асал билан бирга 1-3 ош қошиқ ейила- ди. Ҳеч нарса билан аралаштирмасдан таом ўрнига ейиш керак. Соч- ларнинг қувватланиши, кўпайиши, порлаши ва ўсишини таъминлай- ди. Ҳайзларни тартибга солади, тери рангини очади, ҳуснбузарларни йўқотади, сиқилишларни кетказади. Асаб касалликлари, ичак ва яралар- га шифодир..
3-5 кун турганидан кейин яхшигина ўсган буғдой чимлари битмаган яралар учун малҳамдир. Униб чиққан буғдой чимлари билан биргалик- да майдаланади, тоза бир матога жойлаштирилади ва яраларнинг устига қўйилади. Бу малҳам кунда 2 марта алмаштирилади. Энг эски ва чуқур яралар бўлса ҳам, қисқа вақт ичида битиб кетади.