Наряд тизими Режа

Ишларга раҳбарлик – бўлинма раҳбарияти томонидан ўрна-тилган ишларнинг тартиби, ҳажмини, ижрочиларни, хавфсизлик чораларини аниқлашни ва ижрочиларга нарядлар ёки топшириқлар, бошқа оғзаки ёки ёзма бошқариш кўрсатмаларини бериш йўли билан амалга ошириладиган ижроларни назорат қилишни ўз ичига олган, режаларни амалга оширишни ташкил қилиш бўйича ҳаракатлар тизими.
Ишлар раҳбари – унга лавозим йўриқномаси ёки бўлинма раҳбарининг буйруғи (фармойиши) билан юклатилган мажбуриятлари, ҳуқуқлари ва жавобгарлигига мувофиқ, ишларга ёки ишларнинг алоҳида турларига раҳбарликни амалга оширувчи раҳбар ёки мутахассис (муҳандис-техник ходим).
Ишлар раҳбарлари наряд ёки топшириқ берувчи раҳбарларга ва нарядларни ижрога қабул қилувчи раҳбарларга бўлинади.
Ушбу наряд тизимини, эгаллаб турган лавозими ҳажмидаги бошқа Қоидалар ва норматив ҳужжатларни билиши текширувидан ўтган ҳамда бўлинма раҳбарининг буйруғи (фармойиши) билан ишларга раҳбарликка қўйилган муҳандис-техник ходимлар наряд ёки топшириқ берувчи, шунингдек нарядни қабул қилувчи раҳбарлар бўлишлари мумкин.
Ишлар масъул ижрочиси – бригада, звено ёки гуруҳда катта этиб тайинланган энг малакали ижрочи. Наряд ёки топшириқни амалга оширишда банд бўлган ишчиларни иш жойлари бўйича жойлаштиради, уларнинг ўртасида ўзаро ҳамкорликни ташкиллаштиради, улар томонидан хавфсизлик чораларига риоя этилишини назорат қилади, ишлар раҳбари ёки наряд ёхуд топшириқни берган шахс билан ўзаро ҳамкорликни амалга оширади.
Ишлар ижрочиси (бригада аъзоси) – наряд (топшириқ) бўйича мустақил ёки бригада (звено, гуруҳ) таркибида ишларни бевосита амалга оширувчи шахс.
Нарядларни келишиш – вақт ва макон бўйича бирлаштиришга йўл қўйиш мумкин бўлмаган ёки юқори хавф билан авария ҳолатини келтириб чиқариши мумкин бўлган бўлган ишларни бажаришнинг тартиби ва кетма-кетлигини аниқлаш, шунингдек потенциал хавфли жойлардаги (зарарли ва хавфли омилларнинг доимий таъсири бўлган жойлардаги) ишчиларга фавқулодда вазиятлар юзага келган ҳолатда, ўз вақтида ёрдам кўрсатиш учун уларнинг жойлашган ўрнини аниқлаш-тириш жараёни.