Нарпай тумани 71-умумий ўрта таълим мактаби ўқувчиларининг умумий йиғилиши

_Нарпай тумани 71-умумий ўрта таълим мактаби ўқувчиларининг умумий йиғилиши
Б А Ё Н Н О М А С И


8-октябрь 2020 йил Хужакорзон МФЙ.

Қатнашдилар: Мактаб директори, туман ИИБ ХООБ прафилактика инспектори капитан М.Мустафаев., ММИБДЎ Ф.Ахмедова мактаб ўқитувчилари ва ўқувчилар.

Кўрилган масала:
1.15 сентябрь -16октябрь"Ешлар ва вояга етмаганлар уртасида хукукий маданият ва ахлок одоб ойлиги"
2. Хукукий маданият тугрисида тушунча.
3. Ахлок-одоб ма'навият негизи.

Кун тартибидаги масалалар бўйича туман ИИБ ХООБ прафилактика инспектори капитан М.Мустафаевнинг маърузаси эшитилди.

Мамлакатимизда юрт келажаги бўлган ёшлар тарбиясига жуда катта эътибор ва ғамхўрликлар кўрсатиляпти. Бу борада болаликни хуқуқий, иқтисодий, ижтимоий химоя қилиш, фаровонлигини таъминлаш учун шарт-шароитлар яратиш, бола хуқуқлари, эркинликлари ва қонуний манфаатларини таъминлаш, уларни хаёти, соғлиги ва қадр-қимматини мухофаза қилиш давлат сиёсатининг асосий йўналиши қилиб белгиланган.
Вояга етмаган ёшлар ўртасида гиёҳвандлик моддалари савдосини олдини олиш борасида жойларда бир қатор чора-тадбирлар амалга оширилмоқда. Бу тадбирлардан кўзланган асосий мақсад ёшлар ўртасида гиёҳвандлик моддаларини сотишни олдини олишдан иборат. Ёшлар орасида гиёҳванд моддалар сотишни олдини олишда ота-оналар шахсий намуна кўрсатишлари катта ахамиятга эга. Афсуски, айрим ота-оналар бу масалага лоқайд қараяптилар. Фарзндларининг нима билан машғул эканлигидан бехабарлар. Шунинг оқибатида фарзандлари гиёҳванд моддалар сотиш йўлига кириб қоляпти. Бундай ҳолатларни олдини олиш учун ўқувчилар бўш вақтларини мазмунли ташкил этиш, турли фан ва спорт тўгаракларига жалб қилиш ва мактабдаги тўгарак машғулотларини мунтазам ишлашини таъминлаш зарур. Мактаб ўқувчиларини ота-оналари билан хамкорликни кучайтириш, ўқувчини дарсдан бўш вақтида нима билан шуғулланаётганини назорат қилиш лозим.
Гиёҳвандлик ҳар қандай жамиятнинг ижтимоий-иқтисодий тараққиёти йўлига ғов бўлиш баробарида, айниқса йигит-қизларнинг саломатлиги, келажагига раҳна солмоқда. Наркотик моддаларнинг қайси турини истеъмол қилишдан қатъий назар, хаммаси ҳам наслга ёмон таъсир этади, гиёҳванд аёл ёки эркакнинг фарзандлари туғма ногирон, майиб-мажруҳ, ақли заиф, жисмонан ривожланмайдиган бўлиб туғиладилар.
Гиёҳвандлик балоси – халқаро хавфсизликка таҳдид солмоқда. Гиёҳвандлик моддалари муаммоси терроризм ва экстремизм каби таҳдидлар билан бевосита алоқадор. Нашавандлик ўзи билан иммунитет тақчиллиги вируси, СПИД муаммосини олиб келади. Гиёҳвандлик ҳам ичкиликбозлик сингари инсон саломатлигининг ашаддий кушандасидир. Гиёҳванд асли наша, қорадори, кўкнори, героин ва шу каби наркотикларни истеъмол қилишга датланган одамдир.
Инсон онадан ичувчи ёки кашанда бўлиб туғилмайди. Афсуски, ҳозирги даврда, ҳатто ўсмир-ёшлар, аёллар ўртасида ҳам ичкиликбозликка, гиёҳвандликка, кашандаликка ружу қўйиш холлари учрамоқда, гиёҳвандлик, ичкиликбозлик ва нашавандликка қарши курашайлик деб ўз сўзини якунлади.