Наргис Қосимова

!
Ижтимоий тармоқ
 
(ингл. social networking service) – 
ўзаро 
ижтимоий муносабатларни шакллантириш, акс эттириш ва ташкил 
этишга мўлжалланган платформа, онлайн-сервис ёки веб-сайт. 
Бундан ташқари унинг икки тури мавжуд бўлиб, булар очиқ ва ёпиқ 
ижтимоий тармоқлардир. Очиқ ижтимоий тармоқларда фойдаланувчилар ўз 
контентларини ўзлари яратиб, бу фикрлари борасида очиқ мулоқот 
ўрнатишлари ва бошқа фойдаланувчиларни бунга жалб қилишлари мумкин. 
Бунда ахборот турли ижтимоий қатламлар ва қизиқишларга эга инсонларни 
бирлаштирувчи куч сифатида майдонга чиқади. Бунинг ёрқин мисоли 
сифатида Facebook.com, Instagramm.com, Odnoklassniki.ru, Vkontakte.ru, 
Twitter.com ва бошқаларни келтириш мумкин. Ёпиқ ижтимоий 
тармоқлар асосан бир мақсад сари ҳаракатланаётган 

---

302 
инсонларни бирлаштириб, унга бехосдан, четдан одам кирмайди. Кўп 
ҳолатларда ёпиқ ижтимоий тармоқларга бирор-бир компания ходимлари 
учун яратилган тармоқлар мисол бўла олади.
Фейсбук — айни пайтда жаҳондаги энг катта ижтимоий тармоқ. 2004 
йили Марк Цукерберг унинг курсдошлари  Дастин Московиц ва Крис Хьюз 
томонидан яратилган. Илк номи The facebook бўлиб, фақатгина ундан 
Гарвард талабалари фойдаланиши мумкин эди. Кейинчалик ундан бошқа 
олий ўқув юртларининг талабалари ҳам ўтиши мумкин бўлди. 2006 йилдан 
бошлаб у интернетдаги барча фойдаланувчилар учун очиқ. Сайтда 125 
миллиард дўстлик ришталари ўрнатилган. Саҳифаларни кўриш бир йилда 
бир триллионнни ташкил этади. Компания даромади бир кварталда 1 
миллиард 58 миллион АҚШ долларидан иборат. Мазкур сайт орқали  Марк 
Цукерберг 23 ёшида сайёранинг энг ёш миллиардерига айланди. Сайтнинг 
қиймати 2016 йилда 15 млрд. АҚШ доллари миқдорида баҳоланди. 
 
Твиттер
(инг. Twitter—“чуғурламоқ”, 
“сафсата сотмоқ”) —
фойдаланувчилар томонидан веб-интерфейс, SMSдан фойдаланган 
ҳолда қисқа хабарлар жўнатишга мўлжалланган тизим (140 та белгигача). 
Твиттернинг ўзига хос хусусиятлардан бири жойлаштирилган хабарларнинг 
барчага кўринишидир. Мазкур хабарлар микроблоггинг дейилади. Мазкур 
хизмат текин бўлишига қарамай унга SMS орқали кириш телефон 
компаниялари ҳисобини тўлдириши мумкин, чунки SMS хабарлар оператор 
тарифи орқали тўланади. Твиттер тизимининг эгаси Twitter Inc компанияси 
бўлиб, унинг бош офиси Сан-Франциско, (Калифорния штатида) жойлашган. 
Шунингдек, Twitter Inc Сан-Антонио (Техас штати) ва Бостоне (Массачусетс 
штати)да ҳам ўз бўлимларига эга. Бугунги кунда компанияда 900 нафар 
ходим ишлайди. Twitter 2006 йили Джек Дорси томонидан яратилган. 
Бугунги кунда унда 500 миллиондан одам фойдаланувчилар рўйхатдан ўтган 
бўлиб, шундан 142 миллиони фаолдир. 50 миллион нафар фойдаланувчилар 
ҳар куни Твиттердан фойдаланадилар.