Нанофизика (ттф) фан дастури

«Нанофизика» фанининг мақсади ва вазифалари

«Нанофизика» фани молекуляр физика, элементар зарралар физикаси, каби фанлар билан узвий боғлиқ бўлиб, бу фанда асосан нанозарраларнинг ҳосил бўлиш физикаси ва технологияси хамда уларнинг қўлланилиши каби маълумотлар чуқур ўрганилади. «Нанофизика» фанининг мақсади шундан иборатки, нанозарралар, нанотузилмалар, наноқатламлар физикавий хоссаларини фундаментал қонунлардан фойдаланиб ўрганиш назарда тутилган.

Фаннинг вазифалари:
- нанофизика фанини ўрганишда физиканинг фундаментел қонунлари тадбиқининг назарий ва амалий асосларини татқиқотлар натижалари воситасида ўрганиш ва тахлил қилиш. Шунингдек, талабаларда наноўлчамдаги бирикмаларга тегишли замонавий билим, кўникма ва малакаларни ҳосил қилиш.
Фан бўйича талабаларнинг билими, кўникма ва малакаларига қўйиладиган талаблар
1. Нанофизика назарий ва амалий тушунчаларига доир фундаментал қонунларини билиши;
2. Нанозарралар ва уларнинг ҳосил бўлиш физикавий жараёнларига доир замонавий билим ва кўникмаларга эга бўлиши;
3. нанотузилмалар, нанобирикмалар ва наноқопламалардан инсоният турмуш тарзининг барча сохаларида фойдаланиш имкониятлари ва келажакдаги истиқболларига доир билим, кўникма ва малакаларига эга бўлиши керак.


Фаннинг ўқув режадаги бошқа фанлар билан ўзаро боғлиқлиги, услубий жиҳатидан узвийлиги ва кетма-кетлиги

“Нанофизика” фани талаба танлов фани ҳисобланиб физика йўналиши 3-курс талабаларига ўқитилади. Ушбу талаба танлов фани умумий физика курсининг “Молекуляр физика” ва “Атом ядроси ва элементар зарралар физикаси” бўлимлари билан узвий боғлиқдир. Шунингдек, “Нанофизика” фани квант физикаси, Ядро физикаси каби фанлар билан ҳам боғлиқдир. Ушбу фанни ўрганиш юқоридаги фанлардан етарлича билим ва кўникмаларга эга бўлишни талаб этади.

Фаннинг таълимдаги ўрни
Нанофизика талаба танлов фани ҳозирги пайтда фанннинг энг янги долзарб ҳисобланган энергетика масалаларини ўрганишга бағишланган. Талабаларнинг бу фандан эгаллаган билим, кўникма ва малакалалари унинг келгусидаги илмий тадқиқот ва касбий – педагогик фаолиятида мухим аҳамиятга эгадир.