Намунавий шартнома

2.3. Иш берувчи.
2.3.1. Буюртмачи қуйидаги ҳуқуқларга эга:
а) Буюртмачига мутахассисга бўлган эҳтиёжи бўйича мурожаат этиш;
б) Уста-шогирд мактабида касб-ҳунар ўрганаётган Ўқувчини ўқиш жараёни билан танишиш;
2.3.2. Буюртмачи қуйидаги мажбуриятларга эга::
в) Касб-ҳунарни эгаллаган ишсиз ўқувчини чет давлат билан тузилаган шартномага мувофиқ тегишли тартибда махсус комиссия кўригидан ўтганидан сўнг иш билан7 таъминлаш учун шартномаси тузиш.
б) Уста-шогирд мактабида касб-ҳунар ўрганаётган ўқувчини корхонада ишлаб чиқариш амалиёти ўташга қулай шарт-шароит яратиб бериш;
в) Ўқувчини ишлаш учун юборилаётган давлатда меҳнат шароитлари яратилган иш жойини ташкил қилиш.
2.4. Ўқувчи.
2.4.1. Ўқувчи қуйидаги ҳуқуқларга эга:
а) Буюртмачи томонидан берилган йўлланма асосида Уста-шогирд мактабига ихтиёрий равишда касб-ҳунар ўрганиш;
б) Уста-ҳунарманддан малакали таълим олиш;
в) Ўқув машғулотлари даврида стипендия олиш;
2.4.2. Ўқувчи қуйидаги мажбуриятларга эга:
а) ўқиш жараёнида Бажарувчи томонидан белгиланган ички тартиб интизомга риоя қилиш;
б) меҳнат мухофазаси ва техника-хавфсизлиги қоидаларига қатъий амал қилиш;
в) ўқув машғулотлари тамомлангандан сўнг камида 6 (олти) ой давомида йўлланган иш жойида ишлаш;
г) ўқув машғулотларига юборилган ва сабабсиз ўқишни якунламаган, йўлланмани олган ва ишга жойлашмаган тақдирда, тўланган степендия миқдорини тўлалигича қайтариши шарт.
III. Мазкур шартноманинг амал қилиш муддати
3.1. Ушбу шартнома томонлар имзолаган кундан бошлаб кучга киради ва улар ўз мажбуриятларини тўлиқ бажариб булгунга қадар амал қилади.
3.2. Шартномага ҳар қандай ўзгартириш киритиш фақатгина ёзма тарзда уни имзолаган томонлар иштирокида ва розилигида амалга оширилади.
3.3. Шартнома 4 нусхада бўлиб томонларнинг ҳар бирида алоҳида бир нусҳадан сақланади.


IV. Низоларни ҳал этиш тартиби
4.1. Ушбу шартнома юзасидан келиб чиқадиган бахслар томонларнинг ўзаро келишуви орқали ҳал этилади.
4.2. Томонларнинг ўзаро келишуви билан ҳал қилиб бўлмайдиган холатлар амалдаги Ўзбекистон Республикаси қонун ҳужжатлари доирасида кўриб чиқилади.