Namangan muhandislik-qurilish instituti kimyoviy texnologiya

Ishning bajarilishi
1 – tajriba. Qalay (II) xlorid eritmasining elektrolizi. U – simon nay (elektrolizyor) ning 3 – 4 hajmdagi SnCl₂ ning 5% li eritmasidan quying va unga grafit elektrodlari tushirib, ularni tok manbaiga ulang. Katodda ajralyotgan yaltiroq qalay metalini grafik elektrodda ajralishini kuzating. Katodda qanday jarayon sodir bo’ladi? Katod va anodda borayotgan reaktsiya tenglamalarini yozing.
2 – tajriba. Kaliy yodid eritmasining elektrolizi. Elektrolizyorga yodidning 5% li eritmasidan quyib, unga 3 – 4 tomchi fenolftalein va 1 – 2 tomchi yangi tayyorlangan kraxmal eritmasidan qo’shing. Eritmani aralashtirib, unga grafit elektrodlarni tushirib tok manbaiga ulang.

Katod va anod atrofida eritmalar rangining o’zgarishini kuzating. KJ eritmasining elektroliz sxemasini yozing.

3 – tajriba. Natriy sul’fat eritmasining elektrolizi. Elektrolizyorga Na₂SO₄ ning 5% li eritmasidan quying va unga 3 – 4 tomchi lakmus eritmasidan qo’shib aralashtiring. Grafit elektrodlarni tushirib tok manbaiga ulang.

Elektrodlarda qanday moddalar ajrala boshlaydi, Na₂SO₄ eritmasining elektroliz sxemasini yozing.

4 – tajriba. Grafit va mis elektrodlarida CuSO₄ eritmasining elektrolizi. Elektrolizyorga mis sul’fatning 5% li eritmasidan quying va unga grafit elektrodlarni tushirib, tok manbaiga ulang. Bir necha minutdan so’ng katoda mis ajralib chiqishini kuzating. Katod va anodda sodir bo’ladigan jarayonlarning reaktsiya tenglamalarini yozing.

Elekltrodlarning qutblarini almashtirib yana tok manbaiga ulang. Misning anoddan katodga o’tishini kuzating va tegishli reaktsiya tenglamalarini yozing.